Reforma në Drejtësi po jep rezultate dhe se magjistratë e rinj janë shpresa për ta çuar para drejtësinë e re. Ky ishte mesazhi që partnerët ndërkombëtar të Shqipërisë dhanë në ceremoninë e 25-vjetorit të Shkollës së Magjistraturës.
Në fjalën e saj ambasadorja amerikane Yuri Kim tha se Shkolla e Magjistraturës do të trajnojë gjeneratën e re, ndërsa u bëri thirrje magjistratëve të rinj që të mos dorëzohen. Ajo theksoi se Reforma në Drejtësi duhet të këtë sukses për të mirën e shqiptarëve.
'Reforma në drejtësi qoftë këtu apo në institucione të tjera duhet të ketë sukses për të mirën e shqiptarëve dhe të ardhmen e shqiptarëve. Po mendoja se çfarë bëjmë ne çdo mëngjes, shpresoj të shiheni çdo mëngjes në pasqyrë para se të shkoni në punë dhe ti thoni vetes unë do të jem pjesë e arsyes përse Shqipëria do të bëhet më e mirë.'- u shpreh Kim.
Edhe ambasadorja e BE në Shqipëri, Cristiane Hohman tha se magjistratët e rij kanë sfida të mëdha përpara dhe se nuk duhet të bien pre e presioneve.
“Unë i uroj shumë suksese në karrierën e tyre dhe të arrijnë t’i shërbejnë me sukses vendit të tyre”, tha ajo.
Në ceremoninë e 25-vjetorit të shkollës së Magjistraturës ishte i pranishëm edhe presidenti Bajram Begaj, i cili kërkoi nga magjistratët e rinj të konsolidojnë pavarësinë e gjyqësorit si dhe të tregojnë paanshmëri në vendimet e tyre për të rritur besimin e publikut. Për presidentin Begaj Shkolla e Magjistraturës është institucioni që do çojë përpara drejtësinë e re dhe do të sjellë vendime të drejta në të ardhmen. I pranishëm ishte edhe ministri i Drejtësisë Ulsi Manja.
Në 25 vjetorin e ceremonisë së Shkollës së Magjistraturës, ambasadorja amerikane Yuri Kim tha se reforma në drejtësi po jep rezultatet e para. Kim tha se Shkolla e Magjistraturës do të trajnojë gjeneratën e re, ndërsa u bëri thirrje magjistratëve të rinj që të mos dorëzohen. Ajo theksoi se reforma në drejtësi duhet të këtë sukses për të mirën e shqiptarëve.
“Paqja e vërtetë është prania e drejtësia. Sot shënojmë një gur kilometrik të revolucionit demokratik në Shqipëri. Për këto 24 vite SHBA ka qëndruar pranë shqiptarëve dhe punës së shkollës së magjistraturës. Reforma në drejtësi nuk është e lehtë e shpejtë apo e përsosur por po jep rezultate. Secili prej jush duhet të japë rezultate. Kjo shkollë do të trajnojë edhe gjenerata të tjera dhe do të jetë e nevojshme të miratohen ndryshime e të modernizohet. Sfidat me të cilat po përballemi tani janë të ndryshme nga ç’ka jemi përballur në të kaluarën. Të gjithë ne duhet të përmirësohemi e të ndryshojmë duke u modernizuar e përshtatur. Edhe shkolla e magjistraturës do ta bëje këtë. Reforma në drejtësi qoftë këtu apo në institucione të tjera duhet të ketë sukses për të mirën e shqiptarëve dhe të ardhmen e shqiptarëve. Po mendoja se çfarë bëjmë ne çdo mëngjes, shpresoj të shiheni çdo mëngjes në pasqyrë para se të shkoni në punë dhe ti thoni vetes unë do të jem pjesë e arsyes përse Shqipëria do të bëhet më e mirë. Ju përgëzoj, kurrë mos u dorëzoni”, tha Kim.
Presidenti Bajram Begaj ka marrë sot pjesë në ceremoninë e diplomimit të magjistratëve të rinj 2019-2022 që përkon me 25-vjetorin e krijimit të Shkollës së Magjistraturës.
Në fjalën e tij, Presidenti Begaj e konsideroi krijimin e Shkollës së Magjistraturës si një ngjarje të rëndësishme për të reformuar sistemin e drejtësisë.
“Krijimi i Shkollës së Magjistraturës 25 vjet më parë përbën pa dyshim një ngjarje me rëndësi për një ndryshim thelbësor në sistemin e drejtësisë në tërësi, dhe në veçanti për rekrutimin e formimin profesional e moral të gjyqtarëve, prokurorëve dhe gjithë aktorëve të tjerë ndihmës në sistemin e drejtësisë. Pavarësisht vështirësive gjatë këtyre 25 viteve, Shkolla e Magjistraturës ka marrë vlerësime mjaft pozitive për punën e saj, të shprehura si nga autoritetet vendase, ashtu edhe në raporte të ndryshme ndërkombëtare, si një institucion elitar akademik për profesionistët e drejtësisë. Në një ditë si kjo e sotmja, vlerësimi i kontributeve të shumë aktorëve dhe bashkëpunëtorëve është jo vetëm i natyrshëm, por edhe detyrim moral. Gjithashtu është e nevojshme të diskutohet dhe reflektohet mbi vështirësitë, pengesat, rrugët e zgjidhjes, si dhe sfidat në të ardhmen. Dy dekada e gjysmë më parë, Shkolla e Magjistraturës erdhi si nevojë e kohës për të reformuar sistemin e drejtësisë”, tha ai.
Po ashtu, Presidenti Begaj vlerësoi kontributin e profesorëve të shquar dhe drejtuesve për ngritjen e shkollës në një institucion Kushtetues.
“Kontributi ndër vite i profesorëve dhe bashkëpunëtorëve, nga më të shquarit në fushën e jurisprudencës në Shqipëri, por edhe ai i drejtuesve, është mjaft i vyer dhe pa dyshim ka pasur peshën dhe ndikimin e duhur për të formësuar emrin e mirë të Shkollës, për ta ngritur atë në nivelin e një institucioni kushtetues – i vetmi që ka misionin dhe fatin të ndikojë në mënyrë të drejtpërdrejtë në krijimin e një drejtësie të re, të mbështetur në paanshmëri, llogaridhënie, transparencë dhe për garantimin e të drejtave dhe lirive themelore të njeriut”, tha ai.
Në vijim, Presidenti Begaj ka vlerësuar bashkëpunimin e Shkollës së Magjistraturës me partnerë ndërkombëtar.
“Bashkëpunimi ndër vite i Shkollës së Magjistraturës me partnerët tanë ndërkombëtarë, si SHBA, Këshillin e Evropës dhe Komisionin Evropian, bashkëpunimi dhe marrëveshjet e shumta me Institucione të rëndësishme homologe të edukimit ligjor në rajon dhe vende të tjera, kanë bërë të mundur jo vetëm shkëmbimin e përvojave më të mira, por edhe konsolidimin dhe njohjen e Shkollës si institucioni i vetëm në vend për formimin më të lartë profesional të gjyqtarëve, prokurorëve, avokatëve të shtetit, etj. Nga ana tjetër, Shkolla e Magjistraturës duhet të luajë një rol më aktiv dhe të përfitojë sa më shumë të jetë e mundur nga bashkëpunimi me partnerët, donatorët, strukturat dhe rrjetet homologe Evropiane dhe Amerikane. Botimet dhe kërkimi shkencor të vijojnë të mbështeten e të jenë një instrument ndihmës në funksion të përmirësimit të punës dhe përmbushjes së përgjegjësive të gjithsecilit.'- tha Begaj.
Presidenti ka vënë theksin te paanshmëria dhe transparenca e rekrutimit të magjistratëve.
“Me ndryshimet kushtetuese, Shkolla e Magjistraturës është përballë sfidave dhe përgjegjësive edhe më të mëdha. Misioni strategjik i formimit profesional të gjyqtarëve, prokurorëve, avokatëve të shtetit, kancelarëve, ndihmësve dhe këshilltarëve ligjorë në programin e formimit fillestar apo atë të vazhduar, e vendos Shkollën e Magjistraturës në një pozicion shumë të rëndësishëm dhe kritik, duke qenë pragu i hyrjes së tyre në sistemin e drejtësisë. Për këtë arsye, puna juaj ka një ndikim mjaft përcaktues, në cilësinë e prurjeve në gjithë sistemin e drejtësisë, në formimin e magjistratëve të një niveli të lartë profesional dhe moral, në rritjen e besimit të publikut në figurën e autoriteteve të drejtësisë dhe sistemit të drejtësisë në tërësi. Si një institucion i pavarur ndaj pushteteve të tjera, është shumë e rëndësishme që procesi i rekrutimit dhe vlerësimit të kryhet me objektivitet e transparencë, që mësimdhënia të jetë cilësore dhe institucioni të konsolidojë më tej pavarësinë në ushtrimin e funksioneve kushtetuese. Pavarësia dhe paanshmëria në punën tuaj sot, janë çelësi i pavarësisë dhe paanshmërisë së gjyqtarëve dhe prokurorëve nesër. Pavarësia juaj sot, do të thotë vendime të drejta dhe të paanshme nesër”, tha ai.
Gjithashtu President Begaj, tha se me hapjen e negociatave me BE, Shkolla e Magjistraturës ka rolin e saj, të përcaktuar brenda kornizave ligjore.
“Me hapjen e negociatave për anëtarësim në Bashkimin Evropian, Drejtësia është një nga kapitujt e parë që negociohet.Të gjitha institucionet e vendit kanë përballë sfida të reja, të cilat kërkojnë trajtimin e tyre me prioritet dhe përgjegjësi ndaj vendit dhe qytetarëve. Agjenda e Integrimit Evropian duhet të shërbejë si një nxitje për të përmbushur përgjegjësitë institucionale dhe për të rritur besimin e publikut tek institucionet e drejtësisë. Në bashkëpunim me të gjitha institucionet e reja të drejtësisë dhe institucione të tjera qendrore, Shkolla e Magjistraturës ka rolin e saj, të përcaktuar brenda kornizave ligjore, të cilin jam i bindur se do ta përmbushë me sukses. Misioni që ka sot Shkolla e Magjistraturës për përgatitjen dhe formimin profesional e moral të profesionistëve të drejtësisë është në fakt, një mision që mbart rëndësinë historike të krijimit të një sistemi të qëndrueshëm të drejtësisë dhe ndërtimit të një shoqërie të mbështetur në të drejtat dhe liritë e individit dhe barazinë e tij para ligjit. Sepse, vetëm barazia para ligjit krijon shoqëri të qëndrueshme, të drejtë dhe në harmoni sociale. Unë jam besimplotë se Shkolla e Magjistraturës ashtu sikurse deri më tani ka ofruar mundësi të shkëlqyera për arsimimin ligjor, ajo do ta vazhdojë ta bëjë këtë në mënyrë cilësore dhe me profesionalizëm edhe në të ardhmen”, tha ai.
Komente
Lajme të tjera
-
Krishtlindjet/ Politika uron besimtarët, vizita në Katedralen Katolike dhe Ortodokse! Begaj: Të rindërtojmë urat e komunikimit
25 Dhjetor, 11:40 -
'Gëzuar Krishtlindjet', kartolina e krerëve të shtetit, politikës e ndërkombëtarëve për të krishterët! Begaj: Të reflektojmë mbi vlerat më të larta të njerëzimit
25 Dhjetor, 08:09 -
Shqipëria mbetet pa ambasador në Zvicër, Mustafa Nano jep dorëheqjen
24 Dhjetor, 22:48 -
Binjakëzimi Mirditë- San Cosmo Albanese, Begaj: Iniciativë për të forcuar marrëdhëniet midis shqiptarëve
22 Dhjetor, 14:32 -
Presidenti Begaj: Media profesionale po sfidohet nga lajmet e rreme! Përdorni pushtetin me përgjegjësi, jepni dhe zërin e qytetarisë
19 Dhjetor, 21:46 -
Pas dekretimit nga Presidenti Begaj, ligji për Buxhetin e Shtetit botohet në fletoren zyrtare! Ja kur hyn në fuqi
19 Dhjetor, 18:51 -
Ambasada e SHBA tha se nuk do punonte me persona 'non grata'/ Berisha: E shkroi Yuri Kim! Pëllumbesha Spirogjoka trembet nga 5 milionshi
19 Dhjetor, 13:05 -
Presidenti Begaj pret Këshillin e Diasporës: Vota e emigrantëve e rëndësishme, shteti duhet të mbrojë të drejtat tuaja!
18 Dhjetor, 15:58 -
Sondazhi: Cili është personazhi i vitit me më shumë ndikim në zhvillimet e vendit
16 Dhjetor, 12:21
-
'87 milionë euro nga BE nëse plotësojmë detyrat e 2025!' Manja: Mbyllim kapitujt në 2028! Procesi më tej politik
13 Dhjetor, 15:35
-
DASH e shpalli kampion kundër korrupsionit, ish-ambasadorja Kim takon dhe uron Dumanin! Uashingtoni: Rikonfirmim i mbështetjes ndaj Shqipërisë
10 Dhjetor, 16:39 -
Dita Ndërkombëtare e të Drejtave të Njeriut, presidenti Begaj: Secili nga ne mund të japë kontributin e tij, veçanërisht të rinjtë
10 Dhjetor, 10:08
NJE DESHTIM SPEKTAKOLAR...70% TE TYRE SOT TE SHKARKUAR NGA VETTING-U !!! REKRUTIMET E REJA PA ASNJE KRITER TE QENESISHEM !!!
PërgjigjuBajrami vogel, Bajrami madh, Bajram Begaj, tashti jemi ok se kemi 3 cope. Mjere ky vend islamik thuaj.
Përgjigju