Kompeticioni më i rëndësishëm për klubet e futbollit në Evropë, Champions League, mësoi të mërkurën katër çiftet çerekfinale. Pas ndeshjeve të turit të 1/8-ave është koha për katër duelet që do mbajnë mbërthyer tifozët para ekranit.

Ndeshjet çerekfinale do jenë Sporting Lisbonë vs Arsenal, PSG vs Liverpool, Real Madrid vs Bayern Munich dhe Barcelona vs Atletico Madrid.

Më 7 prill do luhen ndeshjet Sporting Lisbone vs Arsenal dhe Real Madrid vs Bayern Munich. Më 8 prill do luhen sfidat Barcelona vs Atletico Madrid dhe PSG vs Liverpool. Ndeshjet e kthimit mes këtyre çifteve do luhen më 14 dhe 15 prill.

Champions League, faza çerekfinale:

7 prill 2026

Sporting Lisbone vs Arsenal
Real Madrid vs Bayern Munich

8 prill 2026

Barcelona vs Atletico Madrid
PSG vs Liverpool

Ndeshjet e kthimit

14 prill 2026

Atletico Madrid vs Barcelona
Liverpool vs PSG

15 prill 2026

Arsenal vs Sporting Lisbone
Bayern Munich vs Real Madrid

Rruga drejt finales së Budapestit

Rendit zhvillimet sipas orarit:
Ora 15:48
Lewandowski thyen rekordin e Messit dhe Pippo Inzaghit në Champions League

1773931791_robertlewandowski.JPG

Edhe pse është pranë të 38-ave, Robert Lewandowski vazhdon të lërë gjurmë në Champions League, duke arritur një tjetër moment historik në karrierën e tij. Sulmuesi polak ishte protagonist në fitoren 7-2 të Barcelonës kundër Newcastle, ku realizoi dy gola vendimtarë në pjesën e dytë.

Pas një 45-minutëshi të parë pa shumë ndikim, Lewandowski 'shpërtheu' pas pushimit. Në minutën e 56-të, ai shënoi me kokë pas një goditjeje nga këndi, duke regjistruar golin e tij të 100-të në këtë kompeticion prestigjioz.

Vetëm pesë minuta më vonë, në minutën e 61-të, ai realizoi sërish, këtë herë pas asistimit të talentit të ri Lamine Yamal, duke e çuar shifrën personale në 101 gola në Champions dhe rezultatin në 6-2 për katalanasit.

Thyhet rekordi i Pippo Inzaghit - Me këtë arritje, në moshën 37 vjeç e 209 ditë, Lewandowski theu rekordin e mbajtur më parë nga legjenda italiane Filippo Inzaghi, duke u bërë një nga golashënuesit me moshën më të madhe që arrin këtë shifër në histori.

Fundi i rekordit të Messit - Robert Lewandowski ka vendosur një rekord të ri, që më parë mbahej nga Lionel Messi. Sulmuesi polak arriti të shënojë kundër një skuadre tjetër në Champions, duke çuar në 41 numrin e ekipeve të ndryshme ndaj të cilave ka realizuar gola. Deri më tani, rekordi mbahej nga Lionel Messi, i cili kishte shënuar kundër 40 skuadrave të ndryshme.

S.Dh/Shqiptarja.com

Ora 14:11
Në garë tetë ekipe, OPTA zbulon se cili është favoriti për të fituar Champions League

1773926036_championsleague.JPG

Champions League mbylli të mërkurën ndeshjet e raundit të 1/8-ave dhe tanimë tetë skuadrat në garë po mendojnë për fazën çerekfinale.

Superkompjuteri i OPTA-s (analiza e statistikave) ka mbështetur Arsenalin për të vazhduar më tej dhe për të fituar titullin e parë të Champions League, me një shans prej 29.95%. Bayern Munich është në vendin e dytë me 18.02%.

Përveç Arsenalit dhe Bayern Munich, dy ekipet e tjera që parashikohet të kualifikohen për në gjysmëfinale janë Barcelona dhe Paris Saint Germain. Barcelona ka 14.74% shanse për ta fituar të gjithë garën, ndërsa PSG-së i është dhënë 12.15% shanse për ta fituar atë për të dytin vit radhazi.

S.Dh/Shqiptarja.com