POP 5

Lajmet më të lexuara të 5 minutave të fundit

Ekonomi

INSTAT: Çmimet e prodhimeve në vend u rritën me 5.2%! Energjia e nafta mbajtën të lartë inflacionin e importuar

Çmimet e mallrave të importit dhe produkteve të prodhuara në vend u rritën krahasuar me vitin e kaluar. Energjia elektrike dhe nafta kanë pasur impaktin më të madh në rritjen e inflacionit të importuar, ndërsa në vend u shtrenjtuan më shumë produktet e prodhuara nga industria nxjerrëse dhe ajo përpunuese ku bëjnë pjesë edhe produktet ushqimore.

Luhatjet e vazhdueshme të çmimit të energjisë elektrike dhe të naftës në tregjet e huaja, rritën inflacionin e importuar në tremujorin e tretë të këtij viti.

Sipas të dhënave të INSTAT, çmimet e importit nga korriku në shtator u rritën me 0.7% krahasuar me vitin e kaluar, ku kontributi më i madh u dha nga rritja me 1% e çmimit të energjisë, dhe shtrenjtimi i produkteve të industrisë përpunuese me 0.7%, ku përfshihen veshjet, materialet e shtypshkrimit, produktet e naftës, pijet, apo medikamentet.

Ndërsa në raport me vjet janë ulur çmimet për produktet e duhanit me 3.8%, dhe ato të furnizimit me ujë, trajtimit të mbetjeve me 1.8% pasuar nga seksioni “Industri nxjerrëse” me 0,7 %.

Kurse në raport me tremujorin e dytë të vitit, indeksi u ul me 0.3%, duke dhënë sinjale për ulje të çmimeve në tregjet e huaja, pasi përveç energjisë elektrike të gjitha grupet e tjera janë me pak të shtrenjta.

Nga ana tjetër janë shtrenjtuar me 5.2% në krahasim me vitin e kaluar produktet e prodhuara në vend. Mallrat e industrisë nxjerrëse kushtuan 8.5% më shumë se vjet, ndjekur nga energjia elektrike me 6.4%, Industri përpunuese me 4,4 % dhe “Furnizimi me ujë e trajtimi i mbetjeve me 2%.

Sipas INSTAT, brenda industrisë përpunuese rritja më e madhe u regjistrua në aktivitetin “Shtypshkrimi dhe rigrupimi i mediave të regjistruara” me 19,8 %, pasuar nga aktivitetet “Përpunimi i produkteve ushqimore” me 11,7%.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'

Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'

25 Dhjetor, 18:54