POP 5

Lajmet më të lexuara të 5 minutave të fundit

Ekonomi

Çmimet ulin kërkesën për mallra, ngadalësohet tregtia! INSTAT: Në korrik u blenë 98 mijë ton mallra më pak se vjet

Tregtia e mallrave është ngadalësuar ndjeshëm në muajit e fundit për shkak të çmimeve të larta dhe kërkesës së ulët për konsum. Sipas të dhënave të INSTAT, po paguhet më shumë për të blerë produkte, por vetëm në muajin korrik sasia e importeve është reduktuar me 98 mijë tonë. E njëjta gjë ka ndodhur edhe më eksportet.

Çmimet e larta të mallrave, kanë ngadalësuar tregtinë në muajit e fundit. Pavarësisht se po shpenzohen më shumë para për të blerë produktet në tregjet e huaja, të dhënat tregojnë se sasia e mallrave të importuara është në rënie. Sipas të dhënave të fundit të Institutit të Statistikave në muajin korrik janë importuar rreth 98 mijë ton produkte më pak se në korrik të vitit të kaluar. Ndërsa në vlerë monetare këto mallra kanë kushtuar 82 miliardë lekë nga 72 miliardë lekë që u shpenzuan vjet. Kjo diferencë lidhet direkt me shtrenjtimin e produkteve, në tregjet e huaja.

Nga ana tjetër rënie është regjistruar edhe për volumin e mallrave të shitura jashtë vendit. Në total sipas INSTAT në korrik janë eksportuar mbi 293 mijë tonë mallra me një rënie prej 70.9 mijë tonë krahasuar me korrikun e një viti më parë. Vlera e eksporteve në korrik ka rezultuar 39 miliardë lekë, nga 32 miliardë lekë që ishte në korrik të 2021, duke treguar që eksportuesit tanë kanë marrë më shumë para për produktet që kanë shitur, si pasojë e rritjes së çmimeve.

Kjo rënie e tregtisë në sasi dëshmon edhe për një reduktim të konsumit në kushtet e pasigurisë ekonomike që ka përfshirë gjithë Evropën për shkak të luftës që po zhvillohet mes Rusisë e Ukrainës, e cilat ka tronditur tregjet , ndërkohë që inflacioni ka arritur shifra rekord të dy dekadave të fundit. Ndërkohë si 7-mujor INSTAT thotë se janë eksportuar në total 293 miliardë lekë dhe janë importuar mallrave me vlerë 528 miliardë lekë, duke bërë që deficiti tregtar të jetë 235 miliardë lekë.

Kontributin më të madh në rritjen e eksporteve në vlerë sipas INSTAT nga janari në korrik e ka dhënë materialet e ndërtimit, Mineralet, lëndët djegëse dhe energjia si dhe sektori i tekstile e këpucë. Ndërsa tek importet impakt ka dhënë energji për shkak se çmimi për megavat ta kapërcyer 500 euro, ndjekur nga Materiale ndërtimi e metale dhe më pas Ushqime, pije dhe duhan.

IMPORTE

Korrik 2021       478,766 tonë

Korrik 2022       380,451 tonë

Diferenca          -98,315 tonë

EKSPORTET

Korrik 2021            364,924 tonë

Korrik 2022            293,970 tonë

Diferenca               -70,954 tonë

TREGTIA E MALLRAVE 

Import                           528 mld lekë

Eksport                         293 mld lekë

Deficiti tregtar               235 mld lekë

SI.E./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tosi: 19/08/2022 01:43

    Po moj zonje. Drejt e ke ti dhe shqetesuese eshte kjo pune. Mgjt kreu i mafies shteterore, vete Ay i madhi, asqe e qeth per kete pune. Nuk ia kap stacionet e problemeve se i prish makiazhin kryepykes.

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Mat/ Humbi kontrollin e makinës, 40 vjeçari përplas për vdekje të moshuarin

Mat/ Humbi kontrollin e makinës, 40 vjeçari përplas për vdekje të moshuarin

26 Dhjetor, 18:43