Shifrat e koronavirusit vijojnë të mbeten të larta në vendin tonë. Gjatë 24 orëve të fundit janë kryer 2384 testime prej të cilave 507 kanë rezultuar pozitivë.
I lartë mbetet dhe numri i viktimave ku fatkeqësisht këtë të mërkurë kanë humbur jetën 11 persona.
Shtohet numri i personave të cilët marrin trajtin në terapi intensive dhe në intubim. Aktualisht në 3 spitalet COVID po trajtohen 363 pacientë, 18 në terapi intensive, nga të cilët 5 të intubuar.
Në 24 orët e fundit janë shëruar 140 qytetarë, duke e çuar numrin e të shëruarve 12,493 që nga fillimi i epidemisë.
Njoftimi i plotë i Ministrisë së Shëndetësisë
Në 24 orët e fundit, në vendin tonë janë kryer 2,384 testime, prej të cilave 520 janë testime jnë kryer për arsye depistimi.
Kanë rezultuar pozitivë me virusin SARS COV2, 507 qytetarë në 24 orët e fundit. Rastet pozitive të konfirmuara në 24 orët e fundit janë identifikuar në këto bashki:
295 raste në Tiranë, 45 në Durrës, 27 në Fier, 25 në Krujë, nga 19 raste në Elbasan, Berat, 16 në Librazhd, 12 në Vlorë, 11 në Pogradec, 10 në Korçë, 7 në Gjirokastër, 6 në Kavajë, nga 4 raste në Devoll, Has, 3 në Sarandë, nga 2 raste në Kukës, Përmet.
Në 24 orët e fundit janë shëruar 140 qytetarë, duke e çuar numrin e të shëruarve 12,493 që nga fillimi i epidemisë.
Aktualisht në 3 spitalet COVID, po trajtohen 363 pacientë, 18 në terapi intensive, nga të cilët 5 të intubuar.
Me gjithë përpjekjet e mjekëve, në 24 orët e fundit, kanë humbur jetën 11 qytetarë me Sars-Cov2 pozitiv në spitalet COVID:
Një 43 vjeçar nga Gjirokastra, një një 58 vjeçar nga Peqini, një 66 vjeçar nga Pogradeci, një 48 vjeçar nga Fieri, një 68 vjeçar dhe një 78 vjeçar nga Berati, një 53 vjeçare dhe një 78 vjeçare nga Korça, një 70 vjeçare nga Elbasani, një 78 vjeçare, dhe një 85 vjeçar nga Tirana.
COVID-19 – Statistika (11 Nëntor 2020)
Raste të reja ditore 507
Të shëruar ne 24 orë 140
Të shtruar në spitale 363
Humbje jete në 24 orë 11
Testime ditore 2384
Testime totale 146,188
Raste pozitive 25,801
Raste të shëruara 12,493
Raste Aktive 12,718
Humbje jete 590
Shpërndarja gjeografike e rasteve aktive sipas qarqeve:
Tiranë 6229
Durrës 1094
Fier 971
Korçë 776
Shkodër 742
Elbasan 650
Lezhë 559
Vlorë 559
Berat 378
Kukës 306
Gjirokastër 330
Dibër 124
Pas Gjirokastrës dhe Tiranës, edhe Saranda ka njoftuar ndërprerjen e aktivitetit të gjykatave në këtë qytet.
Ky vendim ka ardhur pasi dy prej punonjësve të Gjykatës së Sarandës kanë paraqitur simptoma të koronavirusit.
Veprimtaria gjyqësore do të pezullohet për një periudhë 2 javore.
Duke qenë para faktit se dy punonjës në Gjykatën e Sarandës kanë paraqitur simptoma klinike të Covid19 si dhe vlerësimit të Shefit të Sherbimit të Epidemiologjisë dhe Shëndetit Mjedisor në Njësinë Vendore të Kujdesit Shëndetësor Sarandë, Miltjadh Condi, u vendos:
1. Pezullimi i veprimtarisë gjyqësore për një periudhë dy javore duke filluar që nga data 12 nëntor 2020.
2.Dezinfektimin e ambjenteve të Gjykatës.
3. Marrjen e mostrave të të gjithë punonjësve. Për rrjedhojë nisur nga këto kushte të krijuara Këshilli i Gjykatës së Rrethit Gjyqësor Sarandë vendosi:
1. Pezullimin e veprimtarisë dhe sherbimeve gjyqësore në Gjykatën e Rrethit Gjyqësor Sarandë për shkak të situatës së krijuar nga infektimi i punonjësve me virusin Covid19 për një periudhë të pacaktuar duke filluar nga data 11.11. 2020 deri në një vendim të dytë, me përjashtim të veprimtarisë dhe sherbimeve gjyqësore që lidhen me cështje të natyrës së ngutshme ( cështje penale dhe civile për të cilat dispozitat proceduriale parashikojnë se duhet vendosur brenda 14 ditëve nga regjistrimi i cështjes në Gjykatë)si dhe për cështje penale në të cilat afatet e paraburgimit janë në përfundim.
2. Përvec rasteve përjashtimore seancat e gjykimeve do të anulohen nga sekretaret gjyqësore dhe do të bëhet planifikimi i ri në datën dhe orën e urdhëruar nga gjyqtari.
3. Përvec rasteve përjashtimore procedurat e shortit të zakonshëm do të pezullohen dhe do të shirtohen vetëm rastet urgjente.
4. Sekretarja e gatshme do të bëjë pranimin dhe regjistrimin në regjistrat fizikë të të cdo akti që depozitohet në Gjykatë në lidhje me cështje të natyrës së ngutshme.
5. Në rastet kur gjyqtari i planifikuar ka pengesë ligjore për gjykimin e rastit urgjent të njoftojë zëvendëskryetarin për shkakun dhe në rast të justifikuar zëvendësohet me gjyqtarin pasardhës në urdhër, i cili do të njoftohet nëpërmjet kancelarit dhe në mungesë të tij nga sekretarja e gatshme.
6. Kur mungon sekretarja e gjyqtarit të gatshëm ajo do të njoftojë zëvendëskryetaren për shkakun e mungesës dhe do të zëvendësohet nga sekretarja e gjyqtarit pasardhës në grafik.
7. Rinisja e plotë e veprimtarisë gjyqësore do të njoftohet në vijim.
Vijon të rritet ndjeshëm numri i mësueseve të infektuar nga Covid 19 në qarkun juglindor të Korçës.
Janë 50 mësues pozitivë me corona virus në Bashkinë e Korçës, 20 në Pogradec ndërkohë që 30 të tjerë janë raste të shpërndara në qytetet e tjera të rrethit.
Sipas procedurës mësuesit e infektuar pasi vendosen në karantinë të menjëhershme, u merret tamponi rasteve të kontaktit dhe bëhet zëvendësimi nga mësues në listën e portalit.
Bashkia e Korçës kohët e fundit ka bërë thirrje edhe për mësues vullnetarë.
Ndërkohë janë 8 nxënës të infektuar me Covid 19 në Pogradec, konfirmon DSHP, po ashtu mendohet të jenë mbi 20 nxënës në Korçë, të cilët nuk janë duke shkuar nëpër institucionet arsimore.
Pavarësisht numrit të lartë të mësuesve të infektuar, DSHP nuk pranon që institucionet arsimore të jenë kthyer në vatra infeksioni.
Që prej fillimit të pandemisë e deri me tani janë infektuar rreth 220 mësues në të gjithë qarkun.
3 fasoneri janë mbyllur në 24 orët e fundit në qytetin e Gjirokastrës, pas infektimve me COVID të punonjësve.
Edhe gjykata e Apelit në këtë qytet është mbyllur, për shkak se një prokuror dhe 2 gjyqtarë janë prekur nga koronavirusi.
Gjykata do të qëndrojë mbyllur deri më 25 nëntor, përjashtuar këtu zhvillimet e seancave të planifikuara për masa sigurimi.
Koronavirusi ka detyruar edhe Gjykatën e Shkallës së Parë në Gjirokastër që të mbyllë aktivitetin e saj.
Burime për Report Tv bëjnë me dije se në këtë gjykatë janë prekur 3 gjykatës dhe 2.
Kjo ka detyruar kreu e kësaj gjykate të ndërpresë dhe të mbyllë aktivitetin deri në 23 nëntor.
Mbyllja e Gjykatës së Shkallës së Parë vjen 5 orë pas mbylljes së Gjykatës së Apelit në këtë qytet.
Rjedhimisht të gjitha seancat e planifikuara janë shtyrë ndërkohë që do të funksionojë vetëm një gjykatës për rastet e masave.
Lajme të tjera
-
Komiteti i Ekspertëve nuk vendos testin për pasagjerët nga Kina: Sugjerojmë doza të treta dhe të katërta të vaksinës kundër COVID-19
30 Dhjetor 2022, 16:08 -
1 humbje jete dhe 23 raste të reja! Situata Covid-19 në vend gjatë 24 orëve të fundit
23 Dhjetor 2022, 20:40 -
Një humbje jete nga covid dhe tre raste të reja brenda 24 orëve të fundit
19 Dhjetor 2022, 19:56 -
Marrëveshja me Pfizer për 700 000 doza vaksina të rialokuara, Alibeaj skeptik: Pse duhet me urgjencë, është kërkesë e Pfizerit, jo e jona
5 Dhjetor 2022, 15:21 -
17 raste të reja me Covid në të gjithë vendin! Asnjë humbje jete dhe 7 të shëruar brenda 24 orëve të fundit
4 Dhjetor 2022, 17:58 -
Ekonomia e shqiptare, 'Moody-s': Me perspektivë të qëndrueshme! Ulja e borxhit, klima e biznesit me ecuri pozitive! Rrezik, importi i energjisë dhe PPP-të
1 Dhjetor 2022, 19:15
-
17 raste të reja nga 395 testime të kryera në vend! Asnjë humbje jete dhe 6 të shëruar në 24 orët e fundit
1 Dhjetor 2022, 18:26 -
Turizmi në Shqipëri, mbi 6.7 milionë të huaj për 10 muajt e parë të vitit! Ja nga cilat shtete ka rritje më të madhe të turistëve
1 Dhjetor 2022, 16:40 -
Situata Covid-19 në vend! 5 raste të reja dhe asnjë humbje jete në 24 orët e fundit
30 Nëntor 2022, 18:00 -
Raporti i OKB: Shqipëria me rritjen më të madhe të turistëve të huaj në 7 muajt e parë të 2022, krahasuar me 2019-n! Turizmi po tejkalon ndikimet e COVID-19
28 Nëntor 2022, 15:13 -
6 të infektuar nga 381 testime të kryera! Asnjë humbje jete dhe 14 të shëruar! Situata Covid-19 në vend në 24 orët e fundit
26 Nëntor 2022, 18:06 -
Asnjë humbje jete dhe 11 persona të infektuar në të gjithë vendin! Situata Covid-19 gjatë 24 orëve të fundit
23 Nëntor 2022, 17:29
