Pas Fondit Monetar Ndërkombëtar dhe Bankës Botërore, është Banka Evropiane për Rindërtim dhe Zhvillim parashikon një rënie të thellë të ekonomisë shqiptare për vitin 2020.
Sipas raportit të BERZH për “Perspektivën Ekonomike Rajonale në rajonet” thuhet se ekonomia e Shqipërisë do të shënojë një rënie prej 9%, shifra më e lartë e publikuar deri më tani nga institucionet ndërkombëtare.
Një rënie kaq të madhe BERZH e justifikon me varësinë që ka vendi me turizmin dhe me marrëdhëniet tregtare me Italinë një nga vendet më të prekura nga COVID-19. Po ashtu BERZH paralajmëron edhe reduktim të remitancave për shkak se dërgesat në valutë për shkak të pandemisë janë reduktuar.
Dhe një ulje e remitancave do të ketë ndikim negativ në ekonomi. Rimëkëmbja e Shqipërisë do të varet nga lehtësimi gradual i masave të ndërmarra për të parandaluar përhapjen e COVID-19. Ndërkohë në vitin 2021 BERZH parashikon që rritja ekonomike të jetë 12% e ndikuar më së shumti nga rikthimi në normalitet në gjashtëmujorin e dytë të vitit si dhe rimëkëmbja nga tërmeti.
.jpg)
.jpg)
.jpg)
Raporti i BERZH për Shqipërinë
Presidenti Ilir Meta ka reaguar për raportin e BERZH që parashikon ulje më 9% të ekonomisë shqiptare duke e cilësuar tepër shqetësuese dhe se kjo krizë duhet të shërbejnë për të rishikuar modelin ekonomik të vendit.
Meta cilëson se vendi ynë ka mundësi diversifikimi dhe për të ulur riskun e krizave dhe siguruar një zhvillim ekonomik të qëndrueshëm duhet të fokusohemi dhe në zgjerimin e kapaciteteve portuale, i rrjetit të transportit, si dhe i transmetimit të energjisë.
"Paralajmërimet e fundit të BERZH dhe të institucioneve të tjera ndërkombëtare për uljen e rritjes ekonomike të Shqipërisë, janë jo vetëm shqetësuese në një plan afatshkurtër, por dhe tregojnë krizën e thellë strukturore të ekonomisë sonë. Ndaj duhet të punohet seriozisht për të mbështetur aktivitetet ekonomike aktuale, por dhe të mendohet për të tejkaluar krizën strukturore duke rishikuar modelin ekonomik. Modeli ekonomik duhet të mbështetet në diversifikimin e ekonomisë për të ulur riskun e krizave dhe për të siguruar një zhvillim ekonomik të qëndrueshëm. Ne duhet të punojmë për të shfrytëzuar kapacitetet potenciale të vendit tonë për të rritur prodhimin e energjisë, për të rritur vlerën e burimeve minerale dhe natyrore nëpërmjet përpunimit të tyre, për të rritur prodhimin industrial dhe për të shumëfishuar prodhimin bujqësor dhe atë agro-industrial. Zgjerimi i kapaciteteve portuale, i rrjetit të transportit, si dhe i transmetimit të energjisë është potencialisht një mundësi tjetër për të shfrytëzuar avantazhin tonë gjeografik rajonal. Ndërkohë që çdo politikë ekonomike dhe investimesh duhet të garantojë mbrojtjen e mjedisit si domosdoshmëri për fuqizimin e turizmit në mënyrë afatgjatë dhe me vizion", shkruan Meta.
Kreu i Partisë Demokratike, Lulzim Basha ka reaguar pas parashikimit të BERZH, që ekonomia e Shqipërisë do të tkurret me 9 % për shkak të pandemisë dhe lidhjeve të ngushta ekonomike që vendi ka me Italinë.
Basha shprehet se ekonomia shqiptare po e pëson më keq se çdo vend tjetër dhe kjo pasi Rama favorizon oligarkët dhe nuk zgjodhi të paguajë shqiptarët.
"Ekonomia jonë pritet të tkurret me 9%, më keq se në çdo vend tjetër, sepse RAMAVIRUSI zgjodhi të paguajë me paratë e shqiptarëve miqtë e tij oligarkë dhe jo njerëzit e bizneset. Prej RAMAVIRUSIT njerëzit janë sot pa punë, të varfëruar dhe pa asnjë mundësi të përballojnë krizën", shkruan Basha në twitter.
Lajme të tjera
-
Vorë-Hani i Hotit/ BERZH hap tenderin ndërkombëtar 373 milionë euro për ndërtimin e hekurudhës
12 Dhjetor, 15:46 -
‘Unë mund të vdes! Djalin e kam me epilepsi’, thirrja e të moshuarit në Lezhë që ka mbetur në kasolle 5 vite pas tërmetit
26 Nëntor, 17:00
-
5 vite nga tërmeti vendi ende në rindërtim! Janë dorëzuar 11,663 banesa e apartamente, kostoja në buxhet arrin 920 mln euro
26 Nëntor, 16:39
-
Pesë vite nga tërmeti, 1123 familje ende pa shtëpi në Durrës! Procesi i rindërtimit i vonuar dhe në Lezhë, Kurbin e Krujë
26 Nëntor, 16:36 -
‘Dy vite mësim me turne, fëmijët vijnë në shtëpi natën!’ Protesta në Golem të Lushnjes nxjerr në pah propagandën për ‘rilindjen e shkollës’
19 Nëntor, 08:38
-
Delvinë/ Banorët kontribuojnë për kthimin në identiteti të kishës bizantine
9 Nëntor, 17:15
-
'Shkundja' e tërmetit ende pasoja në buxhet! Në 5 vite rindërtim, kostoja 920 mln €
7 Nëntor, 16:01
-
FMN optimiste: Ekonomia e Shqipërisë rritet me 3.3% këtë vit! Turizmi e ndërtimi ‘motorët’ kryesorë
24 Tetor, 10:17
-
Moody’s rishikon në rritje ekonominë shqiptare, nga 'pozitive' në të 'qëndrueshme'! Malaj: Ndikim ulja e borxhit, rritja e investimeve
19 Tetor, 14:09 -
Ekonomia këtë vit rritet me 3.3%, por sfidë serioze emigrimi! Banka Botërore: Kapitali njerëzor bërthama e zhvillimit të Shqipërisë në të ardhmen
17 Tetor, 18:59
-
Maqedoni e Veriut/ Guvernatori Gent Sejko paralajmëron: Ndryshime klimatike sfidë serioze për bankat dhe ekonominë
1 Tetor, 20:35
-
Rritet 0.6% besimi në ekonomi, euro e dobët godet tregëtinë! Industria e shërbimeve, më shumë optimistë për të ardhmen
1 Tetor, 18:50
