POP 5

Lajmet më të lexuara të 5 minutave të fundit

Opinion

Editorial/ Covid, rekord infektimesh, Manastirliu si Valbona Sako: 'Brenda pritshmërisë!'

Në majë të listës së përgjegjshmërisë është padyshim klasa politike: Nga një anë Ministria e Shëndetësisë, që nuk ka vendosur kurrë përdorimin e maskave si një detyrim për t’u respektuar. Nga ana tjeter opozita, Lulzim Bashën të cilin e ka kapur një orgazmë zgjedhjesh dhe ankthi i pushtetit, organizon mitingje në sheshe.

Editorial/ Covid, rekord infektimesh, Manastirliu si Valbona Sako: 'Brenda pritshmërisë!'

Emergjenca koronavirus nuk ka përfunduar ende, por ndërsa në pjesën tjetër të Europës numri i të infektuarve ulet, në Shqipëri, përkundrazi, shtohet. Arsyeja është shumë e thjeshtë: të gjithë besojnë se koronavirusi është mundur, dhe në këtë mënyrë, duke nënvleftësuar çdo rregull inteligjence dhe kulture shëndetësore, shqiptarët kanë nisur të sillen si gjithmonë, pa respektuar asnjë nga rregullat e parandalimit që në pjesën tjetër të Europës janë akoma të paprekshme për të gjithë.

Në majë të listës së përgjegjshmërisë është padyshim klasa politike: Nga një anë Ministria e Shëndetësisë, që nuk ka vendosur kurrë përdorimin e maskave si një detyrim për t’u respektuar kudo që lëvizet dhe ka lejuar bashkë me policinë shkeljen sistematike të dy rregullave të tjera themelore për të shmangur përhapjen e infeksionit: distancim fizik dhe përdorimin e dizinfektuesve. Shqiptarët kanë filluar të lëvizin në grupe, të ulen me dhjetra nëpër restorante, tavolinat nuk respektojnë asnjë distancë dhe natën hapen edhe lokalet e kërcimeve dhe policia nuk ndërhyn fare. Jo më pak e përgjegjshme është dhe opozita, me Lulzim Bashën të cilin e ka kapur një orgazmë zgjedhjesh dhe ankthi i pushtetit, organizon mitingje në sheshe sikur nuk e di që mbledhjet publike janë kushti ideal për të shpërndarë koronavirusin.

 Kush kishte iluzionin se Covid ishte një ankth tashmë i largët në kohë, duhet të zgjohet nga ëndrra përballë rrezikut të shifrave që tregojnë se kërcënimi është ende i pranishëm dhe më i fortë se më përpara. Numri i të prekurve që bie në Europë, rritet në Shqipëri. Nëse në Lombardi, zona më e goditur e Italisë, përmasat e infektimit zbritën në 1 të infektuar çdo 70-80 tamponë, në Shqipëri është 1 i infektuar çdo 10 tamponë, e njëjta mesatare e dy muajve më parë, kur i gjithë vendi ishte i mbyllur në karantinë. Faktori RO, i rëndësishëm për matjen e numrit të personave që çdo i sëmurë mund të infektojë, në Shqipëri është kthyer të jetë më i madh se 1, që është pragu kritik përtej të cilit sëmundja përhapet në mënyrë eksponenciale. Të dhënat e fundit tregojnë se faktori RO në Shqipëri është 1.07: mesatarja në botë është 1.06, ndërsa në Itali ka zbritur 0.67.

Sot rastet e reja të regjistruara në Shqipëri janë 42, numri më i lartë i regjistruar që nga fillimi i epidemisë. Përballë këtyre shifrave është e papërgjegjshme të dëgjosh ministren Ogerta Manastirliu të deklarojë në FB që ecuria e epidemisë “është brenda pritshmërisë sonë”. Një deklaratë propagande e kujt nuk dëshiron të shohë realitetin dhe që kujton gafën e (ish) kryebashkiakes së Durrësit, Valbona Sako, që në ditën e tërmetit të 26 nëntorit deklaronte “jam e kënaqur me 50 viktima”. Edi Rama duhet të kthehet dhe të merret me Covid, duhet të rimarrë timonin në dorë, sepse nëse makina e emergjencës mbetet vetëm në duart e Ogerta Manastirliut, do të përplasemi të gjithë në një mur.

/xy/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • gjethja e thete e fikut: 11/06/2020 09:31

    Nga nje opozite qe masturbohet neper mitingje, nuk ke se cfare te presesh, vetem ulerima, orgazma, renkime dhe jashteqitje nga goja.

    Përgjigju
  • Erjona: 10/06/2020 18:40

    Apo dhe Kryetari Bashkise Tirane e gjeti alamet momenti per te prishur taetrin, megjithese leket per te bere nje te ri nuk i ka akoma dhe provokoi qytetaret te mblidheshin me turma.

    Përgjigju
    • Daku: 11/06/2020 12:16

      Te thuash ti sa shum e donin ate karakatinen

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Përmbytjet ‘apokaliptike në Spanjë, shkon në 213 numri i viktimave

Përmbytjet ‘apokaliptike në Spanjë, shkon në 213 numri i viktimave

2 Nëntor, 22:53