COVID-19/ Holanda hyn në izolimin më të ashpër që prej Luftës së Dytë Botërore! Anulon fluturimet nga Britania e Afrika e Jugut

Foto ilustruese

Holanda hyri dje në mbrëmje vonë në fazën e saj më të ashpër të kufizimeve anti-COVID deri tani duke vendosur një shtetrrethim për natën në mbarë vendin, në një përpjekje për të kontrolluar shkallën e infeksionit.

Nga dje në mbrëmje, banorët duhet të futen në shtëpi nga ora 21:00 deri në 04:30, kohë gjatë së cilës ata do të ndalohen të lënë shtëpitë e tyre.

Gjithashtu qeveria holandeze ka anuluar të gjitha fluturimet nga Britania dhe Afrika e Jugut për shkak të frikës së përhapjes së variantit të ri COVID.

Qëllimi është të zvogëlohen ndjeshëm infeksionet, ndërsa shqetësimet rriten për mutacionet e virusit. Vendi gjithashtu ka ndaluar fluturimet nga Britania e Madhe, Afrika e Jugut dhe Amerika e Jugut, ku janë identifikuar variante më të transmetueshme të koronavirusit.

Shkelja e shtetrrethimit gjobitet 95 euro. Ky shtetrrethim do të qëndrojë në fuqi deri më 9 shkurt.

E.M./Shqiptarja.com
  • Sondazhi i ditës:

    40 subjekte zgjedhore, 35 parti politike dhe 5 kandidatë të pavarur regjistrohen në KQZ për zgjedhjet e 25 Prillit! Mendoni se është një numër:

Komento


×

Lajmi i fundit

John

Kthjellime në të gjithë vendin, si do jetë moti për sot