Covid-19, në Maqedoninë e Veriut, Ministri i Shëndetësisë do të rrisim kapacitetet spitalore

Venko Felipçe

Në një kohë kur në Maqedoninë e Veriut orë pas ore po rriten numrat e të infektuarve me Covid-19, Ministri i Shëndetësisë, Venko Filipçe tha se vala e fundit e të prekurve ka rënduar punën në laboratorët e testimit. Prandaj, është shprehur ai, këtë fundjavë të gjithë laboratorët do të punojnë me kapacitet të plotë për të arritur përpunimin e testeve.

"Do të sigurojmë numër shtesë të terminëve përmes sistemit “Termini im”, është diçka që po punohet gjatë fundjavës. Gjithashtu, po përpiqemi që sa më shpejt të arrijmë te testet e shpejta. Një pjesë e procedurës tashmë ka përfunduar, vijon faza e dytë. Besoj që kjo shumë do të lehtësoj qasjen për tu testuar" – u shpreh Venko Filipçe, ministër i Shëndetësisë.

Rritja e numrit të të infektuarve me Covid-19 ka bërë që edhe spitalet e tjera në vend përkohësisht të shndërrohen në spitale Covid. Ministri i Shëndetësisë, tha se vendi po përgatitet për çdo lloj skenari të mundshëm, edhe shkëmbimin e pacientëve me vende fqinjë siç ka ndodhur në shumë vende të BE.

"Mund të ballafaqohemi edhe me skenarë kur kuadër tjetër do të punojë vetëm me pacientë me Covid. Kjo është diçka që ndodhë gjithkund në Evropë, madje, në këto vende bëjnë edhe shkëmbime të pacientëve nga vendet fqinje. Shpresoj që nuk do të ndodhë një skenar i tillë, por ne po përgatitemi edhe për momente të tilla "– tha Venko Filipçe, ministër i Shëndetësisë.

Një ditë më parë autoritetet  kanë njoftuar se po punojnë në gjetjen e një zgjidhje për shtimin e kapaciteteve spitalore meqë shumë prej atyre ekzistues tashmë janë tej mbushur.

S.M./Shqiptarja.com
  • Sondazhi i ditës:

    A vijojnë shqiptarët të mos jenë të ndërgjegjshëm për rrezikun nga Covid-19?

Komento


×

Lajmi i fundit

John

Ilir Meta flet nga Vlora: Komisioni i Posaçëm për Dick Marty nuk u shërben as Shqipërisë dhe as Kosovës