Shefja e Spitalit Infektiv Najada Çomo ka folur ditën e sotme në lidhje me pasojat e pandemisë dhe sëmundjes te organizmi. Gjatë fjalës së saj ajo vuri theksin se ky virus ka prekur të gjithë sistemet e organizmit ndërsa vuri theksin në aspektin psikologjik. Ajo njoftoi gjithashtu se brenda këtij muaji pritet hapja e Spitalit Infektiv pas rikonstruktimit të godinës.
“Nga COVID nuk ka mbetur asnjë sistem pa u prekur apo pa u komplikuar sidomos kur kanë qenë në situata të mesme apo kritike. Një element i rëndësishëm ka qenë menaxhimi terapeutik i pacientëve, edhe nga organizmat ndërkombëtarë me barna anti viralë. Barna që kanë dalë nga organizmi ndërkombëtar dhe kanë gjetur vend edhe në Shqipëri. Një pjesë e rëndësishme është aspekti psikologjik. Këshillim me psikologun ka qenë element i rëndësishëm. Element tjetër është fizioterapia. Është e ngadaltë në ditët e para por për ata që rrinë në një kohë të gjatë në spital ka nisur paralelisht edhe ky trajtim. Besoj se e mbyllëm pandeminë në spitalin që ishim dhe futja në spitalin e ri do të jetë brenda këtij muaji”, u shpreh Çomo.
Në Forumin Shkencor të mbledhur nga Akademia e Shkencave janë trajtuar të gjitha problemet me COVID, ndërsa u trajtuan edhe devijimet në forma të reja virale të COVID. Niveli i imunizimit kolektiv është relativisht i ulët për fëmijët 1 deri 9 vjeç (76%) dhe disi më i lartë në ata 10 – 15 vjeç (89.6%). Duke patur parasysh nivelin zero të vaksinimeve në moshat 1–15 vjeç pritet një rritje e numrit të rasteve COVID-19 në moshat pediatrike gjatë stinës së ftohtë 2022 - 23 duke patur parasysh dhe 3 faktorët e mësipërm.
Niveli i ulët i marrjes së dozave të treta në popullatë (22.5%) rrezikon rritjen e infektimeve dhe në moshat e rritura që nuk kanë marrë dozën e tretë, duke patur parasysh faktin se variantet e reja Omicron e tejkalojnë në mënyrë të konsiderueshme imunitetin e krijuar me variantet e mëparshme sidomos nqs. koha nga doza e fundit e vaksinës ose infeksioni i fundit ka kaluar mbi 6 muaj (si pasojë e rënjes së konsiderueshe të antitrupave neutralizues).
Tre ishin rekomandimet që u dhanë në Forumin Shkencor për t’u mbrojtur nga COVID.
'1-Rekomandojmë përshpejtim dhe intensifikim të fushatës vaksinale sidomos në moshat shkollore 6 deri 15 vjeç. Kjo duhet të fokusohet në radhë të parë tek fëmijët që nuk e kanë kaluar infeksionin si dhe tek ata fëmijë me sëmundje kronike apo dëmtim të imunitetit për shkaqe të ndryshme.
2 - Në individët e rritur, për të parandaluar reinfektimet tek ata që kanë bërë vaksinën apo kanë kaluar infeksionin më larg se 6 muaj përpara, të nxitet kryerja e dozave përforcuese të vaksinës anti COVID-19 sidomos në moshat mbi 50 vjec, si dhe në individët e gjithë moshave që kanë sëmundje shoqëruese imunodeprimuese, në mënyrë që të parandalohet rënja e imunitetit specifik.
3 – Të aplikohet testimi i shpejtë antigjenik në të gjithë institucionet shëndetësore publike dhe private dhe për të gjitha moshat për të kapur në kohë individët e infektuar dh parandaluar përhapjen e infeksionit.'- u tha në Forumin Shkencor.
Lajme të tjera
-
Fatos Çoçoli: Koha e duhur për ministri për shkencën
7 Tetor, 08:33
-
100-vjetori i lindjes së Jakov Xoxës/ Shkrimtari kujtohet dhe nderohet në Akademinë e Shkencave
10 Maj, 18:35
-
Ligji për Akademinë e Shkencave përfundon në Kushtetuese, Zhupa dorëzon padiën: Nga ‘Basha’ firmos Nebiaj, Açka jo!
10 Maj, 15:27 -
'Padi në Gjykatë Kushtetuese', Ina Zhupa: Ndryshimet ligjore për Akademinë e Shkencave antikushtetuese
24 Prill, 15:46 -
Libri akademik e shkencor, Shqipëria e Kosova në Panair! Shaban Sinani: Ja ku shkojnë botimet tona! Krizat politike?! Mehmet Kraja: Ne vazhdojmë punën!
23 Prill, 15:50
-
Shefja e ChatGPT, Ermira Murati, pjesë e Akademisë së Shkencave të Shqipërisë! Miratohen akademikët e rinj, mes tyre dhe Lea Ypi e Angjelin Prelocaj
22 Prill, 16:12 -
Akademia e Shkencave do të mbajë një aktivitet për piktorin Lekë Tasi
27 Shkurt, 17:55 -
Viti 2024/ 385,88 milonë lekë për Akademinë dhe Institutet tek "Shkencat"! Synohen ambiente më të zgjeruara dhe një muze i madh arkeologjik!
23 Shkurt, 22:29 -
Akademia e Shkencave bën bilancin e 2023, prezanton projektet e këtij viti: Premton të forcojë rolin e saj në arsim, kërkon më shumë vëmendje nga politika
23 Shkurt, 19:53
-
Situata nga gripi, Çomo: S’ka vend për panik, vaksinimi thelbësor për parandalimin e komplikacioneve në shëndet
17 Janar, 10:11 -
Akademia e Shkencave shkarkon drejtorët e instituteve në gjysmën e mandatit, emëron të rinj (EMRAT)
11 Janar, 14:42 -
Akademia e Shkencave miraton Statutin e ri, pati kundërshtime pasi ligji për ‘Shkencat’ s’ka kaluar ende në qeveri
10 Janar, 12:31
