POP 5

Lajmet më të lexuara të 5 minutave të fundit

Ekonomi

COVID-19/ Të ardhurat në 3 mujorin e parë 2021 u rritën me 4.4 mld lekë! Rritet punësimi, konsumi e aktiviteti i bizneseve

Ekonomia e vendit po rikuperon humbjet që i shkaktoi pandemia COVID-19. Sipas të dhënave të Ministrisë së Financave në tre muajit e parë të këtij viti janë mbledhur 108.6 miliardë lekë, janë rritur me 4.4 miliardë lekë krahasuar me vitin e kaluar. Ndikimin pozitiv e ka dhënë përmirësimi i punësimit, konsumit dhe aktiviteti i bizneseve

TIRANË- Duket se ekonomia e vendit po fillon të rikuperohet dhe të çlirohet nga efektet negative të pandemisë COVID-19. Sipas të dhënave të Ministrisë së Financave të ardhurat në tremujorin e parë të  këtij viti janë rritur me 4.4 miliardë lekë krahasuar me vitin e kaluar, duke reflektuar një përmirësim të situatës ekonomike. Konkretisht për periudhën janar-mars janë mbledhur 108.6 miliardë lekë nga 104.1 miliardë që i mblodhën vitin e kaluar.

Sipas të dhënave të Ministrisë së Financave në tre muajit e parë të këtij viti të ardhurat tatimore janë rritur me 6.9 miliardë lekë, dhe ndikimi kryesor është dhënë nga përmirësimi i konsumit, punësimit dhe rritja e aktivitetit të bizneseve.

Bazuar tek shifrat, të ardhurat nga TVSH-ja janë rritur me 108 milionë lekë, duke dëshmuar një rritje të konsumit, krahasuar me vitin e kaluar. Po ashtu të ardhurat nga tatimi mbi fitimin janë shtuar me 1.4 miliardë lekë, duke reflektuar rritjen e aktivitetit ekonomik tek sipërmarrjet.  Nga ana tjetër edhe sinjalet që vijnë nga tregu i punës janë pozitive, pasi nga tatim mbi pagën janë mbledhur 847 milionë lekë.

Sipas treguesve të ardhurat doganore arritën në vlerën e 38.3 miliardë lekë, 3.5 miliardë lekë se 3 mujori 2020, kontributin më të madh pozitiv e ka dhënë importi i karburantit, dhe kanë rënë të ardhurat nga cigaret, energjia elektrike, mishi, mielli dhe gruri.

Nga ana tjetër janë rritur shpenzimet me 8.8 miliardë lekë më shumë se në tremujorin e parë të 2020. Përkatësisht në muajit janar – mars këtë vit janë shpenzuar 115.7 miliardë lekë, në vitin e kaluar u shpenzuan 106.9 miliardë lekë.

Edhe pse poshtë parashikimit fillestar deficiti buxhetor është zgjeruar krahasuar me vitin e pandemisë. Sipas financave në fund të marsit deficiti ishte 7.1 miliardë lekë, nga 2.7 miliardë lekë që ishte vjet.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarin?

Lajme të tjera



×

Lajmi i fundit

Tiranë/ I dashuri i vajzës dhe 4 djem në kërkim për alarmin tek 'Astiri', policia: Dyshohet se mbajtën të mbyllur 21-vjeçaren

Tiranë/ I dashuri i vajzës dhe 4 djem në kërkim për alarmin tek 'Astiri', policia: Dyshohet se mbajtën të mbyllur 21-vjeçaren

10 Janar, 13:34