POP 5

Lajmet më të lexuara të 5 minutave të fundit

Kronikë

COVID-i uli transportin/ INSTAT: 67% më pak pasagjerë në tragete, -16% me avionë

Situata e krijuar nga pandemia ka ndikuar në mënyrë të jashtëzakonshme mbi transportin e udhëtarëve, njoftoi INSTAT. Sipas statistikave zyrtare, fluturimet e avionëve kanë pësuar një ulje 50 për qind në mars të këtij viti, ndërsa pasagjerët me tragete ishin 67% më pak. Në rënie edhe transport i mallrave

COVID-i uli transportin/ INSTAT: 67% më pak pasagjerë në tragete, -16% me avionë

Situata e krijuar nga pandemia ka ndikuar negativisht në mënyrë të jashtëzakonshme mbi transportin e udhëtarëve, njoftoi INSTAT. Numri i pasagjerëve që udhëtojnë me linja detare në mars ishte 67,4 % më i ulët se një vit më parë. Sipas INSTAT-it, në tremujorin e parë të 2020 kanë udhëtuar me linjë detare 125.810 pasagjerë, duke u ulur me 17%, krahasuar me të njëjtën periudhë të vitit 2019.

Ndërkohë, edhe transporti ajror i pasagjerëve, që ze 82,4 % të transportit gjithsej të udhëtarëve, në tremujorin e parë të 2020 ishte 15,5 % më i ulët, krahasuar me tremujorin e parë të 2019.

Por edhe volumi i mallrave të ngarkuara/shkarkuara në porte, në muajin Mars 2020 është 254 mijë ton duke u ulur 41,2 %, krahasuar me Marsin 2019. Edhe volumi i mallrave të transportuara me hekurudhë në muajin Mars 2020 është 2,6 milionë ton-kilometër, duke u ulur me 13,8 %, krahasuar me Mars 2019.

Në muajin Mars 2020, volumi i mallrave të transportuar me ajër është 155,6 ton mallra, duke u ulur me 22,3 %, në krahasim me Mars 2019. Në tremujorin e parë të 2020, me ajër janë transportuar 511,5 ton mallra duke u ulur 9,5 %, krahasuar me tremujorin e parë të 2019. Numri i fluturimeve të kryera, në Mars 2020 është 922 duke shënuar një rënie me 50,3 %, ndaj Mars 2019.

Në tremujorin e parë të vitit 2020, mallrat e eksportuara me rrugë janë ulur 9,5% krahasuar me të njëjtën periudhë të vitit 2019. Në të njejtën periudhë, mallrat e importuara me rrugë janë ulur me 3,8 %.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57