MITROVICË- Nesër kampionët në fuqi të Serbisë Crvena Zvezda luajnë në Zveçan të Kosovës, përballë Trepçës. Bëhet fjalë për një ndeshje të Kupës së Serbisë, e cila vendos përballë ekipin legjendar të ish- Jugosllavisë dhe Serbisë me ekipin e katërt të kategorisë së futbollit serb e cila ka vendosur të luajë në kampionatin serb pavarësisht se i përket territorit kosovar.
Ardhja e një ekipi serb i cili ka promovuar hapur idenë se "Kosova është Serbi'' nuk është pritur aspak mirë nga Federata e Futbollit të Kosovës. Sekretari i Përgjithshëm, Eroll Salihu ka thënë për Kosova Press se një ndeshje e tillë është absurde dhe se FFK ka lajmëruar organet përgjegjëse që ta ndalojë zhvillimin e kësaj ndeshje.
" E kemi lajmëruar Policinë, UEFA, FIFA-n, kjo ndeshje është një ndeshje ilegale dhe nuk do të lejohet të luhet. Tanimë organet shtetërore duhet ta bëjnë punën e tyre të mos lejojnë hyrjen e ekipit serb në vendin tonë. Kosova kurrë nuk ka qenë pjesë e Federatës Serbe e tash në këtë kohë ata po tentojnë me hy në Kosovë për të zhvilluar një ndeshje ilegale, kjo është absurde. Shpresojmë që organet kompetente të mos lejojnë që një ndeshje e tillë të zhvillohet në territorin e Kosovës”- ka deklaruar Salihu.
Por UEFA dha dritën jeshile që FK Trepça- Crvena Zvezda të luhej në Mitrovicë, ndërsa FFK qëndron e palëkundur në opinionin se kjo ndeshje nuk duhet të luhet brenda territorit kosovar.
Nga ana tjetër mediat serbe shkruajnë se ekipi i Crvena Zvezda do të kalojë natën në Novi Pazar, Serbi dhe më pas në orën 11:00 të 9 tetorit pritet të jenë në pikën doganore të Jerinjës. Por ato nuk përjashtojnë mundësinë që lojtarët serbë të ndalohen të futen në territorin e Kosovës nga autoritetet pasi vetë Kosova nuk ka dhënë garanci.
Ndërkohë ndeshja është planifikuar nga Federata e Futbollit të Serbisë të luhet në orën 14:00 të ditës së nesërme, në stadiumin e Zveçanit. Edhe pse stadiumi ndodhet në anën veriore të Mitrovicës pra në atë të populluar nga minoriteti serb, nuk përjashtohet një incident i mundshëm mes shqiptarëve dhe serbëve.
Lajme të tjera
-
Rikthehen tensionet gjeopolitike në Azi, Kina përplas 2 anijet ushtarake të Filipineve në detin e jugut! Rriten tonet e kërcënimeve
19 Gusht, 07:22 -
Shqipëri-Itali/ Ajo energji gjigande kërkon një kanalizim pozitiv
16 Qershor, 12:47
-
‘Lojtarët janë në ankth për listën e Europianit’, Sylvinho: Me Suedinë do ketë ndryshime në formacion
24 Mars, 17:48 -
VIDEO/ U godit nga rrufeja dhe hyri në koma, 16-vjeçarit i cili i pushoi zemra rikthehet të luajë futboll
26 Shkurt, 15:10 -
Kampionati Europian i Futsallës për priftërinj në Shkodër, Duka: Futbolli, forcë e jashtëzakonshme
6 Shkurt, 12:53 -
Wanda Nara përshkruan natën e parë erotike me Icardin: Dysheku u shkatërrua totalisht, të nesërmen pija qetësues
16 Janar, 19:58 -
Shorti i 'Euro2024', Ramadani preferon përballjen me dy ekipe ‘big’ por e pamundur
2 Dhjetor 2023, 11:31 -
Liga e Kombeve/ Irlanda ‘përmbyt’ kombëtaren shqiptare të femrave nën rebeshin e Shkodrës
31 Tetor 2023, 20:00 -
Tiranë/ I mori para një personi që ta bënte pjesë së skuadrës, arrestohet ish-trajneri i futbollit
27 Shtator 2023, 16:30 -
Kosovare Asllani i siguron Suedisë vendin e tretë në Kupën e Botës
19 Gusht 2023, 16:50 -
Pse një penalti mund të humbet edhe nga lojtarët më të mirë?
8 Korrik 2023, 21:37 -
Analiza/ Përse vazhdojnë tensionet Kosovë-Serbi?
31 Maj 2023, 10:43
