Daçiç: Informacione se shqiptarët
do sulmojnë misionet diplomatike serbe
Prishtina: Retorikë e frikës

Arrestimi i kreut të AAK, Ramush Haradinaj duket se po tensionon marrëdhëniet mes Prishtinës dhe Beogradit. Mediat serbe të cilat citojnë ministrin e jashtëm serb Ivica Dacic shkruajnë se janë në rrezik diplomatët serbë.  

Zëvendëskryeministri serb, njëherësh ministër i Jashtëm i këtij shteti ka deklaruar se ka informacione se shqiptarët në diasporë po planifikojnë sulme në ndonjë nga shërbimet diplomatike serbe në Evropë. 

Daçiç tha se një informacion të tillë e ka marrë nga agjencitë perëndimore të sigurisë, të cilat “informojnë Serbinë për planin e pabesë të diasporës shqiptare”.

“Ky informacion ka ardhur nga shërbimet e komuniteti të sigurisë nga një vend i madh, ku objektivi mund të jetë ambasada jonë, apo ndonjë konsullatë”, ka thënë Daçiç në një intervistë për RTS.

Ministri citon media thotë se ka informacione se diaspora shqiptare do të bllokojë misionet diplomatike serbe në SHBA dhe në Europë.

Një veprim i tillë mendohet të bëhet si kundërpërgjigje ndaj arrestimit të Haradinaj, i cili është i ndaluar në gjykatën Colmar në Francë dhe brenda këtyre ditëve do të jepet edhe vendimi. Kjo sipas Dacic është një mënyrë që Serbia të heqë dorë nga kërkesa për ekstradimin e Haradinaj.

"Ne kemi informacion për sekuestrimin e një prej misioneve tona [serbe] diplomatik në Shtetet e Bashkuara dhe Evropë, në mënyrë që të bëjë Serbia të heqë kërkesën e tij për gjykim Haradinaj ", tha Dacic të hënën, siç citohet nga Ministria e Jashtme serbe.
 
Daçic ka shtuar se policia dhe shërbimet e sigurisë të këtyre  shteteve  janë informuar për këtë cështje.

Të enjten, kryeministri serb Aleksandar Vucic tha se Beogradi do të kërkojë ekstradimin e Haradinajt nga Franca.

Haradinaj ka shërbyer si komandant në Ushtrisë Çlirimtare të Kosovës në konfliktin e Kosovës 1998-1999 dhe Serbia pretendon se ai drejtoi një fushatë brutale kundër serbëve etnikë.

Serbia nuk e njeh Kosovën si shtet të pavarur ndërsa ajo vazhdon të konsiderojë Kosovën pjesë të Serbisë. Kosova është njohur nga 23 prej 28 vendeve anëtare të BE-së.

Por Ministria e jashtme kosovare ka dënuar këto deklarata të Dacic duke i cilësuar tendencioze. MPJ vlerëson se kjo është gjuhë e viteve 90-a dhe e frikës kur Serbia i orekstronte vetë sulmet që ua atribuonte të tjerëve.

Redaksia Online
e.m/Shqiptarja.com