POP 5

Lajmet më të lexuara të 5 minutave të fundit

Arkiva

Dako me banorët e Porto Romanos 
 "Urbanizojmë zonat informale"

Bashkia e Durrësit ka punuar dhe do të vazhdojë të punojë për urbanizimin e plotë të të gjitha zonave informale dhe që në fillim të vitit të ardhshëm ky projekt do të konkretizohet me urbanizimin e plotë të Porto Romanos.Kështu  ka deklaruar kryebashkiaku Vangjush Dako gjatë një takimi që Ministria e Zhvillimit Urban realizoi me banorë të Porto Romanos për përfshirjen e kësaj zone në projektin pilot për zhvillimin dhe urbanizimin e zonave informale.  VIDEO
Dako me banorët e Porto Romanos <br /> 
Bashkia e Durrësit ka punuar dhe do të vazhdojë të punojë për urbanizimin e plotë të të gjitha zonave informale dhe që në fillim të vitit të ardhshëm ky projekt do të konkretizohet me urbanizimin e plotë të Porto Romanos.

Kështu  ka deklaruar kryebashkiaku Vangjush Dako gjatë një takimi që Ministria e Zhvillimit Urban realizoi me banorë të Porto Romanos për përfshirjen e kësaj zone në projektin pilot për zhvillimin dhe urbanizimin e zonave informale. 

Dëgjesat publike  që janë ndërmarrë për disa zona informale të shtrira në të gjithë vendin me temë: “Urbanizimi dhe integrimi social-mjedisor i zonave informale në drejtim të ndërgjegjësimit dhe pjesëmarrjes së komunitetit"  kanë vazhduar në zonën informale “Lagjja 15” Porto Romano, Durrës.

Në këtë aktivitet ka marrë pjesë kryebashkiaku i Durrësit Vangjush Dako, përfaqësues të Ministrisë e Zhvillimit Urban, si dhe banorët e zonës interesimi i të cilëve ishte i madh dhe kjo u duk tek komentet, kërkesat, diskutimet në të cilat ata u përfshinë. Edhe një herë doli në pah interesimi i  tyre për të luajtur një rol aktiv në procesin e integrimit dhe urbanizimit të zonës ku jetojnë.

Kryebashkiaku Dako shprehu bindjen se ky projekt do të fillojë të bëhet realitet që në fillimin e vitit të ardhshëm, ndërsa bashkia ka  vënë në dispozicion të gjitha kapacitetet e administratës në mënyrë që të rritet cilësia e jetës për këta banorë.

Dako tha se "ashtu sic kemi bërë në zonën që tashmë me të drejtë i themi Durrësi i ri, ku kemi realizuar ndërtimin e 10 rrugëve të reja me të gjithë parametrat bashkëkohorë, si kanalizime, ndricim dhe gjelbërim, ashtu do të bëjmë edhe për zonat e tjera.” 

“Jo shumë larg nga këtu,  afro 1 km, ne do të kemi zonën e lirë ekonomike, e cili do të jetë investimi më i madh në 25 vjet që është  bërë në vendin tonë. 483 ha është sipërfaqja e kësaj zone që do të shfrytëzohet për industrinë e lehtë, platforma panairesh, prodhime manifakturash, etj duke qenë kështu një platformë për biznesin e perendimit në vendin tonë”, shtoi Dako. 
dako
dako

Redaksia Online
(al.h/shqiptarja.com)

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Stafi i Harris: Rezultatet e shteteve kryesore do të shpallen nesër

Stafi i Harris: Rezultatet e shteteve kryesore do të shpallen nesër

5 Nëntor, 17:10