VLORË - Ndërtimet pa kriter dhe keqmenaxhimi i territorit janë ndër problematikat kryesore të qytetit të Vlorës. Pasojë e kësaj janë edhe përmbytjet masive që shkaktohen sa herë ka reshje shiu në qytetin bregdetar, ndërsa fajtorët e kësaj situate janë drejtuesit e pushtetit vendor ndër vite në këtë qytet.

Deklaratat janë dhënë nga kreu i këshillit të qarkut në Vlorë Sadrit Danaj, i cili pohon se abuzimin e ish-drejtuesit e instancave vendore në këtë qytet e kanë pasur pjesë integrale të punës.

Danaj pohoi se dëmet nga përmbytjet e fundit ishin të konsiderueshme. Kreu i këshillit të qarkut pohoi se së shpejti në Vlorë do të realizohen një sërë investimesh infrastrukturore.

Redaksia online
(s.m/shqiptarja.com)