Darka e Dubait që 'çmendi' rrjetin dhe frika e opozitës, që retushon personazhet

Pamje nga darka ne Dubai

Pamjet e një darke në Dubai, ku shfaqen disa zyrtarë të lartë të Qeverisë, kanë revoltuar rrjetin këto dy ditë.

Kjo, duke qenë se pamjet janë shfaqur ndërkohë që Shqipëria prej disa ditësh është përfshirë nga reshjet e shumta të shiut, të cilat kanë sjellë edhe përmbytje.

Kuptohet, pamjet shkaktojnë revoltë, po të shohësh interpretimet e opozitës dhe mediave pranë saj, sipas të cilave, ata hanë e pinë me lekët tona, ndërsa ne përmbytemi. Nuk kanë rëndësi shpjegimet, se ata ishin ftuar nga princi arab dhe gjithë shpenzimet ishin të paguara, pasi pamjet dhe interpretimet në fakt e kanë bërë efektin e tyre.

Por, edhe pse opozita dhe mediet pranë saj kanë denoncuar këtë “skandal të madh”, ato janë të pandershme dhe kanë retushuar të pranishmit. Përshembull në krye të tavolinës ishte biznesmeni më i madh në Shqipëri, pasi takimi në Dubai për çështje biznesi ka qenë.

Bëhet fjalë për ndërtimin e portit në Durrësi, ku arabët do të shpenzojnë 2 mld euro.

Por, në denoncimin e tyre, si Basha, Berisha, por dhe mediet pranë tyre, e kanë fshirë nga video biznesmenin në fjalë dhe natyrisht nuk kanë guxuar t’ia përmendin as emrin, dhe nuk kuptohet përse, pasi ai në fakt ishte për biznes aty dhe nuk ka bërë ndonjë gjë të keqe apo të paligjshme, që ta fshehin sikur ka bërë ndonjë krim.

Tani një opozitë që thotë se e keqja e këtij vendi janë oligarkët dhe pastaj ka frikë t’i përmendë ata me emër, dhe më keq akoma i retushon, nuk është fort e besueshme.

Pastaj sa për këtë revoltën se ku hëngrën, sa hëngrën e si hëngrën, kur ne po përmbytemi, është e tepërt, pasi gazetarët që kanë qenë të pranishëm aty e dinë kush e ka paguar darkën.

Ashtu siç në fakt, edhe shfaqja e ministrave në një darkë luksoze, pavarësisht se kush e paguante, ishte e tepërt, duke parë situatën në vend.

Sepse në një botë propagande dhe me rrjetet sociale ku çdo njeri ka akses, tashmë nuk ka më rëndësi përmbajtja, por forma, dhe njerëzve iu mbeten në mendje fotot e tyre duke ngrënë mish në një restorant luksoz, jo kush pagoi dhe fakti që ata ishin në Dubai për një project ambicioz, që do të krijojë mijëra vënde pune në Shqipëri. (TemA)

Be.K./Shqiptarja.com
  • Sondazhi i ditës:

    Aksidentet sjellin bilanc 'lufte' këtë fillimvit, a duhet të konsiderohen si vrasje rrugore?

Komento

Komente

  • meri: 11/01/2021 22:15

    Opozitaret nuk e kan trurin ne koke ,po ne vend tjeter...,jemi ne 2021,dhe shqyejne syt per te par,se cfar kan ne pjate kundershtaret politik.Mos vall kerkojne qe te kishin mar buke me vete,( gjize,turshi,ndonji vazo me fasule )? shpirt-ligesia nuk ka fund....

    Përgjigju
  • Tirona: 11/01/2021 20:15

    .... dhe presidenti Yne ne mes te Shkodres ne kete kohe ku shoqeria po punon per te zvogeluar sadopak pasojat e permbytjes , rrin e pi verera dhe ha mish te pjekur sebashku me kryetaren e jashteligjshme te bashkise se Shkodres...

    Përgjigju
  • Kasem gahinji: 11/01/2021 19:51

    Duhet te kishin ndenjur pa ngrene.keshtu tregohen me patriote.na tregoni te pakten fillimin e darkes ,jo kur jane pjatat bosh.kjo ka zemeruar opozite,pjatat bosh dhe gotat pergjysem me vere.sa koprrac ky princi i dubait

    Përgjigju


×

Lajmi i fundit

John

Riciklimi i Xhelal Mziut në Dibër rrëzon kauzën e Lulzim Bashës për dosjen 184 dhe tenderat klieelistë, ish-kryebashkiaku pjesë krimit zgjedhor në Peshkopi