Dash Sula në ‘Kontrast’: Të dielën fiton opozita në Rrogozhinë nëse nuk ka ndërhyrje nga PS! Vangjeli: Rama do jetë drejtuesi i një ekipi të ri

TIRANË- Deputeti demokrat Dash Sula tha në Report Tv se opozita do jetë fituese e zgjedhjeve që do ripërsëriten të dielën në Rrogozhinë, nëse nuk do të ketë asnjë lloj ndërhyrjeje nga Partia Socialiste.

“Nëse nuk ka ndërhyrje fiton opozita në Rrogozhinë të dielën. Edhe në zgjedhjet e 2021 me gjithë ato probleme me 35 mijë vota i ndanë. Nëse s’do kishte ndërhyrje të forta. Në pa brekë rrugëve, lekë as për ujë s’kishim na mbytën dhe prapë dolëm 8 me 6, ishte e sigurt që do dilnim 7 me 7”, tha Sula.

Sipas tij, duhet të marrë fund mentaliteti i deformimit të rezultatit të zgjedhjeve dhe se duhet të ketë zgjedhje të lira pa intimidime e blerje votash. Ligjëvnësi thotë se SPAK është rruga e vetme për t’i lënë shqiptarët të votojnë të lirë.

“Nëse ju kujtohet greva e urisë në 2009, ca kërkonin ata, zgjedhje të lira të ndershme të pandikuara, të pa manipuluara. Me të drejtë. Ca ndodhi. Në 2013 Berisha në atë kohë kryeministër, i ka kërkuar grupit parlamentar që të mos prekë asnjeri zgjedhjet, se ekziston mundësia në Shqipëri që sa herë ti doje qejfi një qeverie të përdorë pushtetin, administratës, parave të jesh i sigurt që i deformon rezultatin e zgjedhjeve. Për 3% bëhet fjalë. Është budallik të shkosh në zgjedhje më të mentalitet. Duhet të marrë fund mentaliteti nga kryeministri deri tek i fundit, duhet ti lesh votuesit të votojnë të lirë, jo të intimidohen dhe të jepen para. E vetmja rrugë është drejtësia”, tha Sula.

Ndërkohë, analisti Lorenc Vangjeli thotë se Rama me fjalimin që mbajti pas fitores së 14 majit la të kuptohej se do jetë drejtuesi i një ekipi të ri.

“La të kuptohej që mund të ishte drejtuesi i një ekipi i ri. Fraza e tij që unë tërhiqem nga politika e ditës dhe këtë gjë do ta bëj me të rinjtë e partisë me në krye Elisën. Kjo nuk është punë herkualsh, do mendje dhe vullnet. Ajo që është për tu theksuar përtej të gjitha ngjyrimeve të mundshme, përtej faktit që e vërteta në Shqipëri nuk qëndron në skaje, por diku në mes, pavarësisht se i bie të jetë prijësi i një skuadre që po shkërmoqet pak nga pak, Rama është garanti i ndryshimit të nesërm”, tha Vangjeli.

SI.E./M.Q./Shqiptarja.com

TAG:
• zgjedhjet vendore 2023
• edi rama
• lorenc vangjeli
• Dashnor Sula
• kontrast