Dasma e 2 vajzave në tarracën e bashkisë, Myftinia e Tiranës: Akti s’përfaqëson as fenë dhe as traditën e shqiptarëve

Myftinia e Tiranës ka reaguar pas ceremonisë së çiftit të së njëjtës gjini në tarracën e bashkisë së Tiranës.

'Myftinia Tiranë ka përcjellë me shqetësim aktin e pabazuar ligjërisht të një "martese" mes dy individësh të së njëjtës gjini të mbajtur në ambientet e një institucioni shtetëror.

LEXO EDHE:
‘Parada e Krenarisë’, komuniteti LGBT marshon në Tiranë me moton 'Çdo ngjyrë, një familje'! Aktivistja: S’jemi kërcënim për shoqërinë (FOTO)

Me të njëjtin intensitet, Myftinia Tiranë, përcjell edhe shqetësimin e mijëra besimtarëve dhe qytetareve të Tiranës, të cilët ndjehen të irrituar para një akti të tillë i cili nuk përfaqëson as botëkuptimin, as fenë dhe as traditën e shqiptarëve.

Zhvillimi i një procedure të tillë në kundërshtim me ligjin shqiptar dhe Kodin e Familjes së Republikës së Shqipërisë është një veprim i rrezikshëm për të legalizuar dhe normalizuar një proces që tenton të imponohet pa dëshirë përmes shkatërrimit të familjes dhe kulturës tonë kombëtare.

Ne, këshillojmë dhe u bëjmë thirrje institucioneve të jenë të kujdesshëm ndaj ngjarjeve të tilla duke mos u profilizuar në drejtimin e kundërt me pjesën dërrmuese të votuesve dhe taksapaguesve shqiptarë.

Myftinia Tiranë, mbetet e angazhuar tërësisht dhe fuqimisht në mbështetjen dhe promovimin e vlerave të familjes si thelbi i shoqërive të krijuara nga Zoti i Lartësuar për mbarëvajtjen e njerëzimit.

Po ashtu mbetet e angazhuar në promovimin e çdo akti i cili synon lartësimin moral të ndërgjegjes tonë kombëtare si dhe çdo sipërmarrjeje që çon drejt mirëqenies tonë publike materiale apo shpirtërore qoftë ajo.’- thuhet në reagimin e Myftinisë së Tiranës.

Lajmi kryesor:

Dasma e çiftit të së njëjtës gjini në tarracën e bashkisë së Tiranës, Alba Ahmetaj: Ceremonia ishte simbolike! Komunitetet fetare: Feja dhe ligji e ndalon

M.Q./Shqiptarja.com

TAG:
• LGBTI
• Edlira Mara
• Alba Ahmetaj