POP 5

Lajmet më të lexuara të 5 minutave të fundit

Kultura

Debati për ndërtimin e muzeut të krimeve të komunizmit, Rithemelimi krah ish-të Përndjekurve: Muzeu në ish-burgun e Spaçit, jo në Reps!

Rithemelimi eshte përfshirë në debatin për ndërtimin e një muzeu për krimet e komunizmit në ish-burgun e Spaçit në Mirditë. Ashtu si ish-të përndjekurit politik edhe politikanet e djathtë kërkojnë që muzeu të ndërtohet në rrënojat e burgut famëkeq dhe jo në fshatin Reps, siç ka propozuar Qeveria.

Pas shoqatës së ish-të përndjekurve politik në Shkodër edhe Bashkia Mirditë ka dalë kundër projektit të Qeverisë për ndërtimin e muzeut të burgut të Spaçit në fshatin Reps. Gjate aktivitetit për 51-vjetorin e revoltës së Spaçit, kryebashkiaku i Mirditës Albert Melyshi tha  se ndërtimi i muzeut larg ish-burgut, kamp të Spaçit është një përpjekje për ta larguar vemendjen nga ky vend simbol i diktaturës së eger komuniste.

“Pas këtij projekti duket se është një ide për ta larguar vëmendjen nga ai kamp, nga burgu i Spaçit”, Albert Melyshi, kryetar i bashkisë Mirditë.

Përfaqësuesit e opozitës dhe ish të përndjekurit kërkuan shkëputjen nga e kaluara komuniste si dhe dënimin e atyre personave që kanë bërë krime ne diktature.

“Ky është një projektligj i mbetur në sirtar, pavarësisht se kemi kërkuar me ngulm që të sillet për diskutim dhe miratim, por jo! Sepse dizenji i kësaj kaste që ka trashëguar atë regjim kriminal ka pikërisht për qëllim, të zhdukë çdo lloj mundësie, gjurmë”, u shpreh Oerd Bylykbashi Nënkryetar u Rithemelimit.

“Ne anti-komunistët të mbijetuarit e diktaturës që përballuam plumbat e hekurat e diktaturës, kemi 33 vite që kërkojmë të memorizohen emrat e mbi 6 mijë burrave, grave e fëmijëve”, tha Besim Ndregjoni ish- i përndjekur politik.  

Një muaj më parë u prezantua draft-plani i ndërtimit të muzeut në fshatin Reps nga Ministria e Ekonomisë, Kulturës dhe Inovacionit me nje fond 4.2 milionë euro. Vendi se ku do ndertohet muzeu ka shkaktuar debate e pakenaqesi sidomos tek ish-te perndjekurit. Ish-burgu famëkeq i Spaçit në Mirditë do të mbahet mend gjatë në historinë e vendit tonë për vuajtjet që kanë përjetuar me qindra të dënuar politik.

R.D/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29