VIDEO
Ish-ministri i Jashtëm, Bumçi tha se jemi në nivelin më të ulët të marrëdhënieve me Kosovën, ndërsa përsa i përket deklaratës së Hahn për çamët u shpreh se nuk ishte kontribut i lobimit të Ministrisë së Jashtme.
Por kryetarja e komisionit, Dade u përgjigj duke thënë se marrëdhënia me Kosovën është mjaft e mirë dhe se deklarata e ministrit të Jashtëm Hoxhaj është e nxitur, ndërsa për vizitën e Metës deklaroi se ishte e frytshme.
"Ne nuk mund t'u referohemi deklaratave të politikanëve të papërvojë si Ministër i Jashtëm të Kosovës".
Ministri i Jashtëm i Kosovës Enver Hoxhaj deklaroi se Shqipëria nuk duhet të përzihet në dialogun mes Kosovës dhe Serbisë.
Në komision ka raportuar përfaqësuesi i Ministrisë së Punëve të Jashtme, Ferit Hoxha për marrëdhëniet me Kosovën, Serbinë dhe Maqedoninë.
I pyetur nga anëtarët e komisionit, Hoxha deklaroi se kemi një rritje të bashkëpunimit mes Shqipërisë dhe Kosovës, përmes takimeve dhe marrëveshjeve.
Sipas tij, Kosova është vendi i dytë për eksportet shqiptare. Përsa i përket marrëdhënieve me Maqedoninë, ai theksoi se është shumë i rëndësishëm zbatimi i Marrëveshjes së Ohrit për të drejtat e shqiptarëve.
Gjithashtu Hoxha u shpreh se situata në Maqedoni ka ndikuar në nivelin e marrëdhënieve në vitet e fundit, pasi niveli i shkëmbimeve mes dy vendeve është më i ulët se më parë.
Përsa i përket zgjedhjeve në Malin e Zi ai tha se rezultati i fundit ku shqiptarët morën vetëm një deputet, nuk është i favorshëm.
Pas vizitave të Ramës në Serbi, Hoxha deklaroi se ka një transformin të marrëdhënieve me Beogradin.
Debatet në Komisionin e Jashtëm
Aldo Bumçi: Nga Prishtina ngrihet shqetësimi për mungesën e koordinimit. Autostrada për në Nish kalon nga Kosova, nuk mund te lihet jashtë vëmendjes Kosova.
Qeveria flet për zero probleme marrëdhënie me Greqinë, si është situata me paketa e problemeve. Por marrëdhëniet janë të ngrira.
Çështja çame nuk ishte lobimi ynë, por komisioneri Hahn i referohet dokumenteve nga dy vendet dhe palës greke.
Këtu na u tha se deklarata e Hahn ishte nga lobimi i Shqipërisë.
Arta Dade: Është i papranueshëm qëndrimi për Kosovën. Shqipëria është përpjekur të mos luajë rol parterniteti.
Deklarata e ministrit të Jashtëm të Kosovës është e nxituar. Roli i Shqipërisë për Kosovën ka qenë tejet i rëndësishëm dhe në të njëjtën linjë me faktorët globale.
Konsideroj vizite të shkëlqyer atë të Metës, pamë vullnet pozitiv edhe të palës greke për të zgjidhur cështjet e mbartura por mos jenë të lidhura me cështje elektorale.
Kemi ecuri pozitive në marrëdhëniet mes vendeve.
Aldo Bumci: Nuk mund ta mohojmë ekzistencën e krizës me Kosovën kjo vjen për shkak të marrëdhënieve shqiptaro-serbe.
Dade: Nuk ka pasur problem dhe kjo tregohet edhe në shkëmbimet mes vendeve.
Bumci: Problemi nuk është droni por Kosova. Tirana ka marr rol parësor në një cështje kur Kosova duhet të jetë e para.
Leskaj: Nuk mund të flasë një ish-ministër i Jashtëm e te thotë që marrëdhëniet Shqipëri-Kosovë janë në krizë.
Dade: Ne nuk mund të referohemi deklaratave të politikaneve të papërvojë si Ministër i Jashtëm të Kosovës.
dy.b/shqiptarja.com
Lajme të tjera
-
Serbia intensifikon lobimin e saj në Perëndim
28 Korrik 2023, 16:56 -
Skandali i lobimit të Katarit në PE, zv. Presidentja jep dëshminë: I kërkova tim ati të merrte paratë nga shtëpia ime, nuk ishin të mijat
16 Dhjetor 2022, 21:26 -
Deputetët francezë kërkojnë komision hetimor për financimet ruse në politikë, akuzojnë partinë e Le Pen
24 Shtator 2022, 17:23 -
Dosja e SPAK, Petrit Vasili firmosi kontratat e lobimit të Metës me para të dyshimta, nuk u deklaruan në KQZ dhe ILDKP! Rrezikon të merret i pandehur
11 Korrik 2022, 16:26
-
Ato ditë kur presidenti ngjizte lobing me 700 mijë dollarë
22 Qershor 2022, 09:58
-
Gazetarja Xharra: Politikanët kanë paguar për lobimin e tkurrjes së Kosovës
8 Qershor 2020, 23:00
