Del video e re nga gjyqi i Johnny Depp me ish-bashkëshorten, aktori shfaqet i tërbuar duke shkatërruar kuzhinën dhe në gjendje të dehur! Amber Heard e filmon! Depp: Nuk e kam prekur

Provat të reja kundër aktorit Johnny Depp janë paraqitur në gjykatë, nga ish-bashkëshortja e tij Amber Heard, në gjyqin që po mbahet, pas padisë që aktori bëri ndaj ish-gruas së tij për shpifje, një shkrim të saj në Washington Post të vitit 2018, ku ajo tregoi se ishte abuzuar në familje, referuar aktorit.

Avokati i aktores ka publikuar një video, ku Johnny Depp shihet në gjendje të dehur teksa thyen enë në kuzhinë dhe godet tavolinën me grusht.

Heard shihet e përlotur në gjykatë dhe dridhej nga frika teksa shihte pamjet që u publikuan.

Avokati i aktores, Rottenborn iu drejtua në gjykatë, 'Kjo është në shtëpinë tuaj në West Hollywood. Ky je ti në video. Ishe i dhunshëm?'

Depp iu përgjigj: ‘Është e qartë se po kaloja një gjendje të vështirë dhe të rënduar. Unë kam goditur dollapët në kuzhinë dhe nuk e kam prekur zonjushën Heard’

‘A mund të kesh qenë i dehur?’ e pyeti avokati Rottenborn.

‘Është një mundësi,’ u përgjigj Depp. Depp tha se çdokush mund të humbi kontrollin e emocioneve të tij ndonjëherë. ‘Pse po filmonte ajo? Nëse ajo ishte e frikësuar për vdekje, pse nuk u largua?’.

Depp kërkon 50 milionë dollarë nga Heard, teksa dëshminë e tij në një gjykatë në Virxhinia e nisi duke thënë se ai nuk kishte goditur kurrë asnjë grua në jetën e tij dhe se donte të pastronte emrin, pas akuzave të rënda që ish-bashkëshortja i bëri.

 

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rikthimi i PD-së me protesta në shtator, a do ta forcojë politikisht?



×

Lajmi i fundit

“Personi që paralajmëroi vrasjen e Dick Martyt, është nga Kosova, ka punuar në Shërbimet Informative Jugosllave”

“Personi që paralajmëroi vrasjen e Dick Martyt, është nga Kosova, ka punuar në Shërbimet Informative Jugosllave”