POP 5

Lajmet më të lexuara të 5 minutave të fundit

Politikë

Denoncon Rithemelimi: Skënder Gjinushi mban postin e lartë në Akademinë e Shkencave pa dekretim nga presidenti! PS po kërkon ndryshim të ligjit

Skënder Gjinushi po drejton Akademinë e Shkencave në mënyrë anti-kushtetuese! Ky është denoncimi që erdhi nga selia blu mesditën e sotme, ku nëpërmjet deputetes Ina Zhupa PD E Berishës akuzon Ramën se po kërkon që t’i zgjasë mandatin aleatit të tij politik

Skënder Gjinushi po drejton Akademinë e Shkencave në mënyrë anti-kushtetuese! Ky është denoncimi që erdhi nga selia blu mesditën e sotme, ku nëpërmjet deputetes Ina Zhupa, PD E Berishës akuzon Ramën se po kërkon që t’i zgjasë mandatin aleatit të tij politik.

‘Akademia e Shkencave sot drejtohet në mënyrë anti-kushtetuese nga një njeri që nuk është dekretuar nga Presidenti, që ka lidhje me shkencën aq sa plagjiatura e tij Caruana me gjuhësinë, që ka qenë kryetar partie politike kur është zgjedhur në krye të Shkencës. Një njeri që pret t’i ndërpritet mandati nga Gjykata Kushtetuese, pas një padie të Partisë Demokratike, po lëviz gjithë fijet politike që të sigurojë në mënyrë, po anti-ligjore një mandat të dytë.’- tha Zhupa.

Sipas Zhupës në Kuvend është depozituar një ndryshim ligjor, vetëm në shërbim të kapjes politike të akademisë së Shkencave nga Gjinushi, i cili e ka shpallur veten kryetar të përjetshëm, kryeredaktor të historisë, kryeredaktor të enciklopedisë.

‘Ligji është bërë pikërisht për të shmangur mandatet e përjetshme dhe siguruar rotacionet e krerëve të institucioneve të pavarura. Këto po zhbëhen me ndryshimet që kërkon Partia Socialiste.’- u shpreh Zhupa.

Zhupa thotë se Partia Socialiste kërkon që t’i zhbëjë ndryshimet në ligj, duke hequr togfjalëshin ‘por jo radhazi’.

‘Neni 11, në pikën 10, përcaktonte se “Kryetari, zëvendëskryetari, sekretari shkencor dhe drejtuesit e seksioneve mund të rizgjidhen në të njëjtin funksion për dy mandate, por jo radhazi”.  Me ndryshimin e propozuar, pika 10 e nenit 11 bëhet, “Kryetari, zëvendëskryetari, sekretari shkencor dhe drejtuesit e seksioneve mund të rizgjidhen në të njëjtin funksion për dy mandate”. Siç shihet është hequr togfjalëshi, “por jo radhazi”.

Cili është interesi publik në këtë rast që duhet mobilizohet Kuvendi për ndryshime ligjore? Si mund ta kthejmë Kuvendin në noter dëshirash dhe ambiciesh të aleateve politikë të Edi Ramës? Akademikët meritojnë të kenë një akademi të pavarur, një akademi që bën shkencë, meritojnë të zgjedhin të pavarur drejtuesit e tyre dhe mos të ndërhyjë Kuvendi për të paracaktuar mandate të radhës për një njeri që nuk e lëshon karrigen e Akademisë, siç bëri dhe me të partisë, që e mbajti derisa ia shiti një ‘akademiku’ tjetër.

Partia Demokratike iu bën thirrje deputetëve socialistë të mos e mbulojnë me një turp të ri atë të vjetrin që bënë në urdhrat e Edi Ramës dhe interesave të tij të vogla politike. Gjithashtu i bëjmë thirrje Gjykatës Kushtetuese të marrë në shqyrtim padinë tonë për ligjshmërinë e postit të kryetarit të akademisë. Çdo vonesë do ta kalcifikojë turpin që ka mbuluar institucionin e lartë të shkencës dhe gjykatësit e Gjykatës Kushtetuese ta shqyrtojnë sa më parë.’- u shpreh Zhupa.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

10 kuriozitete rreth Krishtlindjes të zgjedhura nga National Geographic

10 kuriozitete rreth Krishtlindjes të zgjedhura nga National Geographic

25 Dhjetor, 07:58