Deputetët e PS kundër MF për
heqjen e akcizës së pijeve energjike

TIRANË - Nisma e Ministrisë së Financave për të hequr akcizën për pijet energjike, ka sjellë kundërshtimin e deputetëve të mazhorancës. Gjatë mbledhjes së Komisionit të Integrimit ishin nënkryetari Taulant Balla dhe deputetja Valentina Leskaj, që e konsideruar të pajustifikueshëm heqjen e akcizës. Balla shkoi me tej duke kritikuar se ministrinë se ky ndryshim ka ardhur si pasojë e lobimit të prodhuesve të këtyre pijeve.
 
Edhe deputetja Leskaj ngriti shqetësimin se argumentet e ministrisë për heqjen e akcizës për pijet energjike nuk janë bindëse.
 
Zëvendës Ministri i Financave Ervin Meta, tha se kjo çështje është ende në diskutim në komisionin e ekonomisë, duke dhënë edhe disa sqarime që deputetët i konsideruan të pamjaftueshme.
 
Por kundërshti ndaj kësaj nisme pati edhe në mbledhjen e grupit të partisë socialiste ku një numër i madh deputetesh kanë kundërshtuar ministrin e financave, për nismën që parashikon heqjen e akcizës për pijet energjike.
 
Redaksia Online
(a.h/shqiptarja.com)

TAG:
• lobimi