Dëshironi të hiqni kilet e tepërta, ja 4 frutat që duhet të shmagni

Duke qenë se humbja e peshës është një qëllim që shumë prej nesh ndjekin, zgjedhja e ushqimeve të duhura është thelbësore. Frutat konsiderohen shpesh si zgjedhje të shëndetshme, por disa prej tyre mund të jenë më të larta në sheqer dhe kalori nga sa mendojmë.

Më poshtë kemi listuar katër fruta që duhet të shmangni nëse po përpiqeni të hiqni kilet e tepërta:

Banane
Bananet përveçëse të pasura me lëndë ushqyese dhe fibra, gjithashtu kanë nivele të larta të sheqernave natyrale. Një banane mesatare përmban rreth 105 kalori dhe 14 gram sheqer. Megjithëse bananet mund të japin energji, nëse po përpiqeni të kontrolloni kaloritë tuaja, mund të jetë më mirë t’i kufizoni ato.

Rrushi
Rrushi është një frut tepër i mirë, por konsumimi i tepërt mund të rrisë ndjeshëm marrjen e përditshme të sheqerit. Një filxhan rrush mund të ketë rreth 23 gram sheqer. Është e lehtë të hani më shumë se sa mendoni, pasi nuk ndiheni të ngopur si me frutat e tjera. rekomandohet t’i konsumoni me moderim.

Qershitë
Qershitë janë të shijshme dhe ushqyese, por gjithashtu përbajnë edhe sheqer. Një filxhan me qershi përmban rreth 18 gram sheqer. Shija e tyre e ëmbël mund t’ju bëjë të dëshironi të hani më shumë, gjë që mund të mos ndihmojë qëllimin tuaj për të humbur peshë. Për rezultate më të mira, mund të preferoni fruta me përmbajtje më të ulët sheqeri.

Dardha
Dardhat janë të pasura me fibra dhe ofrojnë përfitime të ndryshme shëndetësore, por janë edhe mjaft të ëmbla. Një dardhë mesatare mund të përmbajë rreth 28 gram sheqer. Edhe pse ato ofrojnë lëndë ushqyese, është mirë të kufizoni konsumin e tyre nëse jeni duke parë kaloritë tuaja.

Xh.K/Shqiptarja.com

TAG:
• fruta
• ushqime