Dezinfektohet tregu i kombinatit/ Shehu për Report TV: Si do dezinfektohet nga koka te këmbët çdo blerës

Tregu i Kombinatit është dezinfektuar pasditen e kësaj të diele dhe do ë jetë gati që të hapet ditën e nesërme, me rregullat e reja për të gjithë blerësit që do të ketë një autorizimin për të dalë nga shtëpia. Report Tv ndoqi nga afër këtë proces, teksa kreu i kësaj brigade, Luan Shehu në një intervistë për gazetarin Elis Memelli Shehu ka thënë se ky është një proces, pra dezinfektimi, që behët çdo ditë në mbrëmje dhe nuk është aspak i rrezikshëm për qytetarët, por vetëm vret mikrobin. Ai ka sqaruar edhe se si do të funksionojë tuneli i dezinfektimit i vendosur në këtë hapësirë.

"Në jemi 6 skuadra, dezinfektimet i bëjmë në darkë dhe ky treg dezinfektohet çdo darkë, që elementi që është aty që ne përdorim, duhet të veprojnë natën, njerëz nuk ka. Është i atillë që të dëmtohet vetëm virusin, aspak njerëzit. Kur ne bëjmë dekontaminimin, kjo do të thotë që e ruan efektivitetin e saj deri sa bie shi, që e hollon. Duke pasur shumë popullaritet ne gjithmonë vijmë në darkë dhe e bëjmë këtë. E para ky tunel do të shërbejë  që njeriu të disiplinohet dhe e dyta është siguria maksimale. Pra njeriu hyn brenda, i bëhet një dezinfektim nga lart dhe në moment ai kalon me anë të udhëzuesve që u tregon që ti do të rrish këtu, tjetri atje. Ka një dalje dhe një hyrje. Atje në vijën e daljes do të krijojmë një basen, dhe duke shkelur atë lëndë me këpucë bëjnë dekontaminohet dhe nuk e merr me vete virusin. Është më e arrira, për mua", tha Shehu.

Lajmi kryesor:

Dyndja shqetësuese! Vendoset kordoni sanitar te tregu i Kombinatit, nga nesër pazaret s'i bëni dot pa autorizim! Ja si do jetë tuneli i dezinfektimit (VIDEO)

B.K./b.ha./Shqiptarja.com

TAG:
• tregjet
• koronavirusi ne shqiperi
• tregu i kombinati