Anti-shqiptari Salvini ‘entuziazmon’ Bashën, Bushati: Turp! Shpresoj t’i kenë vjedhur adresën/ Debati

Kreu i Partisë Demokratike, Lulzim Basha, ka përshëndetur deklaratën e ministrit të Brendshëm italian, Matteo Salvini, i cili tha se ka marrë fund argëtimi për mafiozët dhe tashmë duhet treguar se shteti është më i fortë. Duke shpërndarë deklaratën e ministrit Salvini, të njohur për qëndrimet kundër shqiptarëve, Basha shkruan në Tëitter se po vjen era e ndryshimit, që së shpejti do të kalojë edhe në anën tjetër të Adriatikut. Sipas tij, mafia shqiptare dhe narkoshteti i Ramës duhet të ndjejnë presionin e Italisë.

Mirë se vjen era e Ndryshimit @matteosalvinimi, së shpejti edhe në anën tjetër të Adriatikut. Mafia shqiptare dhe narkoshteti i Ramës duhet të ndjejnë presionin e Italisë, në vend të gënjeshtrave, marrëveshjeve të fshehta dhe mbulimit të realitetit të deridjeshëm.

Lulzim Basha, kreu i PD

Për mafiozët argëtimi ka marrë fund. Tani duhet të tregojmë që shteti është më i fortë. Do më pëlqente të mbahesha mend si një ndër personat që luftoi Kamorrën dhe mafian rajon pas rajoni.

LEXO EDHE:
Ktheu deputetët e përjashtuar në grupin e PD, Basha kallëzon në SPAK Nikollën: Cënoi interesin e vendimmarrjet e partisë

Matteo Salvini, ministri i Brendshëm i Italisë

(Postimi i Lulzim Bashës në Twitter)

Pas deklaratës së kreut të PD, Lulzim Basha, se era e ndryshimit po vjen dhe së shpejti do të mbërrijë edhe te ne, ka reaguar ministri i Jashtëm, Ditmir Bushati. Bushati shpreson që llogaria e Bashës të jetë hakuar, duke shtuar se deklarata e tij ishte kundër njerëzve dhe vendit të tij. 

Reagimi i kryetarit të PD duke përshëndetur dhe cilësuar si  “Era e Ndryshimit” ministrin e Brendshëm italian është mjaft e çuditshme, pasi Matteo Salvini është i njohur për qëndrimet e tij anti-Shqipërisë.

Salvini në mënyrë konstante ka shprehur urrejtje ndaj komunitetit shqiptar në vendin fqinj, ndërkohë që Basha e cilëson si “Era e Ndryshimit”. Ministri i Brendshëm i Italisë Salvni ka qenë edhe kundër integrimit të Shqipërisë në Bashkimin Europian.

Por edhe pse është anti-komunitetit shqiptar në Itali dhe anti integrimit të vendit tonë në BE, për Bashën, ministri i Brendshëm i Italisë është ‘Erë Ndryshimi’ që duhet ndjekur dhe marrë shembull. 

Salvni është kryetar i një partie anti emigracion si Lega Nord, ndërsa ka pasur mjaft përplasje edhe me liderët europianë, e fundit me Presidentin francez Macron.

TAG:
• mafia
• edi rama
• lulzim basha
• matteo salvini

Sondazhi i ditës:

Ilir Meta sulmon kreun e SPAK, si e vlerësoni?

• Të drejtë

  11.1%

• Të gabuar

  84.2%

• Nuk e di

  4.7%

Vota total: 4187

• Sondazhi i ditës:

  Ilir Meta sulmon kreun e SPAK, si e vlerësoni?

  Të drejtë Të gabuar Nuk e di