POP 5

Lajmet më të lexuara të 5 minutave të fundit

Kronikë

Dibër/ 3 ditë helmim masiv nga uji i pijshëm, rreth 200 banorë me diarre e të vjella! Prefekti: Ujërat e shiut deportuan në depot e ujësjellësit

Rreth 200 banorë të fshatrave në Dibër kanë përfunduar në urgjencë me shenja helmimi, diarre dhe të vjella.

Rreth 200 banorë të fshatrave në Dibër kanë përfunduar në urgjencë me shenja helmimi, diarre dhe të vjella.

Nga e hëna e 7 tetorit e deri të mërkurën numërohen mbi 200 banorë të helmuar që kanë marrë mjekim në urgjencë, ndërsa 5 fëmijë dhe një i rritur janë në gjendje më të rëndë ndaj janë shtruar në spitalin e Peshkopisë. Shkak për helmimin masiv të banorëve është ndotja e ujit të pijshëm, vertetuar nga analizat e ISHP-së.

Shefja e Urgjencës së Spitali Rajonal Dibër dhe mjekja Infeksioniste Neada Hoxha, u shpreh se gjatë 3 ditëve kanë qenë 200 raste që janë paraqitur në spital, ndërsa ditën e sotme janë paraqitur 25 raste për të marr ndihmë mjekësore.

“Janë paraqitur rreth 200 raste gjatë këtyre 3 ditëve, të cilët janë të rritur dhe fëmijë. Rastet janë të formave të lehta me të përziera, të vjedha  dhe diarre. Fluksi ditën e parë ka qenë i shtuar, ditën e djeshme ka pësuar një rënie dhe sot totali i të rriturve dhe fëmijve që janë paraqitur është 25 raste. Këto janë raste të formave të lehta dhe u bëjë thirrje banorëve të këtyre zonave që të trajtohen në shtëpi pa u paraqitur në spital, pasi nuk ka ndonjë gjë shqetësuese. Nuk kemi raste të hospitalizuara nga këto zona”, tha Neada Hoxha.

Prefekti, Nexhbedin Shehu, u shpreh se në total janë rreth 4 mijë banorë që kanë shfaqur probleme.  

"Janë të prekur 8 fshatra, 3-4 mijë banorë, me probleme si heqje barku e të vjella. Ditën e parë 100 qytetarë që kanë kërkuar ndihmë kanë marrë serume ditor, dje kanë qenë 10 persona të tjerë. Kanë dalë analizat e ujit të Ujësjellësit të Sopanikës që furnizon këto fshatra dhe ka ngarkesë mikrobakteriale. Pra uji nuk është i pijshëm”, tha ai. 

Sic prefekti konfirmon në intervistën për Report tv, për shkak të reshjeve, ujërat e shiut kanë deportuar në depot e ujësjellësit të Sopanikës, i cili furnizon rreth 4 mijë banorë në fshatrat Kastriot,Vakuf, Fushë Alie, etj.

“Dyshohet se ka hyrë uji i shiut i kontaminuar në depo. Gjatë ditës së djeshme të gjitha depot janë dezifenktuar me klor”, tha ai. 

Përgjegjës për helmimin masiv të popullatës është Shoqëria Rajonale e Ujësjellës Kanalizimeve, Dibër në varësi të Ministrisë së Infrastrukturës që ka për detyrë parësore sigurimin e ujit të pijshëm, e të pastër. Ky institucion nuk ka ende reagim publik, ndërsa policia bën të ditur se është ngritur grupi hetimor dhe nën drejtimin e Prokurorisë kanë nisur hetimet për zbardhjen e rrethanave, shkaqeve të helmimit.

S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Anonim: 09/10/2024 17:07

    Jo deportuan, por depertuan.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Bashar Al-Assad rrezikon gjykimin për krime ndaj njerëzimit në Gjykatën Penale Ndërkombëtare

Bashar Al-Assad rrezikon gjykimin për krime ndaj njerëzimit në Gjykatën Penale Ndërkombëtare

25 Dhjetor, 14:16