POP 5

Lajmet më të lexuara të 5 minutave të fundit

Kronikë

Dibra: Dekani i FSHN, Koni s'lejoi
 pedagogët e studentët në takim

Duke marrë shkas nga ngjarjet e sotme në Fakultetin e Shkencave të Natyrës, kandidatja për Rektore e Universitetit të Tiranës, Klodeta Dibra, i ka bërë thirrje pedagogëve e studentëve që të mos përdoren e as të frikësohen gjatë këtij procesi.
Dibra: Dekani i FSHN, Koni s'lejoi<br /> pedagogët e studentët në takim
Duke marrë shkas nga ngjarjet e sotme në Fakultetin e Shkencave të Natyrës, kandidatja për Rektore e Universitetit të Tiranës, Klodeta Dibra, i ka bërë thirrje pedagogëve e studentëve që të mos përdoren e as të frikësohen gjatë këtij procesi.
 
Përmes një njoftimi të shpërndarë për mediat, ajo akuzon Dekanin e FSHN, Mynyr Koni, i cili njëherazi është kandidat për Rektor të UT, se urdhëroi pedagogët dhe studentët që mos ndiqnin shpalosjen e programit të saj për Rektoratin.

"Mjetet e turpshme që u përdorën sot për të ndaluar fushatën e ndershme që do të realizohej në mjediset e Fakultetit të Shkencave të Natyrës implikojnë direkt kandidatin për Rektor Prof Dr. Mynyr Koni, konkurrentin tim në këto zgjedhje. Z.Koni përdori këtë mënyrë arkaike të ndalonte pedagogët dhe studentët të dëgjonin drejtpërdrejt programin tim për drejtimin e UT", shprehet Dibra.
 
Dekania e Fakultetit të Gjuhëve të Huaja në Universitetin e Tiranës, Klodeta Dibra thekson gjithashtu se dhuna verbale e përdorur në këtë fushatë për të ndaluar pjesëmarrjen e lirë tuajën në aktivitete zgjedhore rrezikon të kthehet në makth për vite të tëra nëse vota e tyre do të shkojë për kandidatin Koni.
 
"Unë jam përpjekur që gjatë gjithë fushatës të tregohem korrekte dhe të mos përdor kundër tij asnjë nga të metat që e karakterizojnë, por ngjarja e sotme tregoi që z.Koni e përdori FSHN-në si pronë të tij duke mos lejuar vendosjen e posterave të mi në fakultet. Ç’mund të presë UT, pedagogët studentët apo i gjithë populli shqiptar, i cili pas këtyre zgjedhjeve pret një sistem arsimor të reformuar dhe serioz nga një veprim i tillë.  Mos lejoni që një njeri që trembet nga konkurrentja të drejtojë Universitetin e Tiranës në vitet e ardhshme", thekson më tej, kandidatja për Rektor në Universitetin e Tiranës, Klodeta Dibra.

Redaksia Online
Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kickbox/ Skandal në Malin e Zi, arbitri godet me trofe në fytyrë trajnerin kosovar (Video)

Kickbox/ Skandal në Malin e Zi, arbitri godet me trofe në fytyrë trajnerin kosovar (Video)

24 Nëntor, 11:43