Digjet pompa e ujësjellësit, banorët
e Fushë-Krujës prej dy muajsh pa ujë

Prej dy muajsh banorët e Fushë Krujës vuajnë nga mungesa e ujit të pijshëm.
 
Ka 2 muaj që djegia e një pompe thithëse në stacionin e pompimit ka sjellë një situatë tepër shqetësuese për furnizimin me ujë të qytetit.
 
Kryeinxhinieri i ujësjellës kanalizimeve Fush-Krujë Rexhep Llega, thotë se zëvendësimi i pompës së djegur ndodh për shkak të procedurave burokratike për tenderin e blerjes së saj.
 
Prej 2 muajsh e më shumë qyteti furnizohet me ujë me orar të reduktuar dhe në shumë lagje uji pothuajse nuk shkon fare ose i furnizon banorët për 4-5 minuta.
 
Ndonëse në vitin 2007 u investuan 4,5 milion dollarë për ujësjellësin e ri të qytetit dhe projekti parashikohej që do ta furnizonte me 24 orë pa ndërprerje qytetin, kjo nuk ndodhi madje ndodhi që në 2 lagje të mëdha nuk u shtrua asnjë linjë por vazhdojnë tubacionet e viteve 60.
 

Redaksia Online
(F.T/shqiptarja)