Zonat malore në qarkun e Korçës janë mbuluar përsëri nga dëbora e në fillim të muajit prill. Zyrtarisht jemi në muajin e pranverës, por fshatrat turistikë si Dardha e Boboshtica vijojnë të ofrojnë kënaqësitë e dimrit.

Në aksin rrugor Boboshticë-Dardhë trashësia e dëborës arrin deri në 20-25 centimetra. Sakaq, kontraktorët ndodhen në terren dhe po punohet për pastrimin e rrugëve dhe kriposjen e tyre.

Ulja e temperaturave ka rikthyer reshjet e dëborës dhe në qarkun e Kukësit, kryesisht në zonat malore. Gjatë natës dhe në orët e para të mëngjesit të së mërkurës, reshjet e dëborës janë regjistruar në aksin Kukës–Shishtavec, ku kompania kontraktore ka ndërhyrë menjëherë me mjete borëpastruese dhe punëtorë për të mbajtur të kalueshëm segmentin rrugor.

Sipas të dhënave nga terreni, intensiteti i reshjeve të dëborës në lartësitë mbi 700 metra mbi nivelin e detit është në rënie. Megjithatë, sipas informacioneve nga terreni, trashësia e dëborës në zonat e larta malore nuk ka kaluar 3 centimetra, çka deri tani nuk ka krijuar probleme serioze në lëvizjen e automjeteve apo në qarkullimin rrugor.

Autoritetet u bëjnë thirrje qytetarëve të shmangin udhëtimet e panevojshme drejt zonave të thella malore dhe të respektojnë udhëzimet e policisë rrugore dhe të shërbimeve të mirëmbajtjes.

 

K.B/A.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 31 Mars, 11:25

    A besoni se Drejtori i ri Policisë, Hita do luftojë krimin dhe korrupsionin?

Lajme të tjera