Zv/ ndihmës sekretari amerikan i Shtetit, Matthew Palmer në ditën e dytë të vizitës në Shqipëri, pas takimit me kreun demokrat Lulzim Basha, sot pas mesdite u takua me kryetaren e LSI, Monika Kryemadhi, ndërsa në orën 17:30 me Presidentin Ilir Meta. Ditën e djeshme, ai u takua me kryeministrin Rama, takim i cili zgjati rreth 100 minuta në Kryeministri. Pas takimit, kryeministri Rama shkroi në rrjetet sociale duke e cilësuar të frytshëm si dhe duke zbuluar temat për të cilat u diskutua.
"Marrëdhëniet e shkëlqyera bilaterale, integrimi europian i Shqipërisë, dialogu Kosovë-Serbi dhe situata politike në vend, në një bashkëbisedim të frytshëm që na gjeti në dakordësi të plotë me zv/Ndihmës Sekretarin e Shtetit, Palmer" shkroi Rama. Mbetet për t’u parë si do të ndryshojë situata politike në vend pas vizitës së zyrtarit të lartë të DASH, i cili pas Shqipërisë do të vizitojë edhe vendet e tjera të Ballkanit.
Presidenti Ilir Meta thotë se me zyrtarin e lartë të SHBA-së gjatë takimit pasditen e sotme ka diskutuar për rrugëdaljet nga kriza politike për të ecur përpara. "Takim i hapur dhe miqësor me Zëvendës Ndihmës Sekretarin e Shtetit për Europën, Matthew Palmer mbi situatën e vështirë politike në vend dhe rrugëdaljet për të ecur përpara. Interes i ndërsjellë për forcimin e demokracisë dhe shtetit të së drejtës, që qëndrojnë në themel të partneritetit strategjik mes dy vendeve" tha Meta.
Kryetarja e LSI-së, Monika Kryemadhi pas takimit me zyrtarin e lartë amerikan është shprehur se Palmer nuk ka ardhur në Shqipëri për të zgjidhur krizën politike. Ajo tha se hallet tona do ti zgjidhin vetë shqiptarët vetëm me njëri-tjetrin.
Prononcimi i Monika Kryemadhit
Çfarë u diskutua në takimin me Palmer?
Diskutuam për situatën dhe sigurisht që unë nuk jam e autorizuar që të flas për takimin. Z. Palmer shprehu opsionet e veta nga këndvështrimet e tij. Ne shprehëm opsionet tona nga këndvështrimet tona.
Sigurisht që përputhen për sa i përket raportit të Departamentit Amerikan të Shtetit për luftën kundër korrupsionit, për kapjen e shtetit, për të gjithë problemet e tjera, por është shumë e rëndësishme vazhdimi i mëtejshëm për zgjidhjen përfundimtare dhe për ti dhënë fund tranzicionit shqiptar. Shqipëria e ka vendin në BE.
Ju dha një zgjidhje Palmer?
Z. Palmer nuk kishte ardhur për ti dhënë zgjidhje për sa i përket konfliktit. Mos harroni që hallet tona do ti zgjidhim ne shqiptarët vetëm me njëri-tjetrin.
Kemi zgjidhje për këto halle znj. Kryemadhi?
Sigurisht që mendoj që viktimat e gjithë kësaj historie, janë shqiptarët nuk është Kryeministri.
Përfundon takimi midis Kryetares së LSI-se Monika Kryemadhi dhe Zëvendësndihmës Sekretarit Amerikan të shtetit Palmer. Takimi Kryemadhi-Palmer në selinë e LSI-së zgjati 70 minuta, ndërsa në qendër të bisedës ka qenë aktualiteti politik dhe situata në rajon. .jpeg)
Kryetari i Partisë Demokratike Lulzim Basha ka reaguar përmes një postimi në rrjetet sociale duke zbuluar se cfarë është diskutuar në takimin me zyrtarin e lartë amerikan. Basha thotë se është diskutuar për krizën politike në vend, por edhe mungesën e institucioneve kushtetuese.
“Bisedë e hapur dhe konstruktive me Matthew Palmer mbi situatën: mungesën e Gjykatës Kushtetuese dhe Gjykatës së Lartë, pandëshkueshmëria, krimi, korrupsioni dhe kriza politike. Përkushtim i përbashkët për demokraci, shtetin e së drejtës dhe mirëqeverisjen si rruga e vetme për stabilitet dhe Shqipërinë në BE” deklaroi Basha.
Zëvendës Ndihmës Sekretari amerikan i Shtetit për Evropën, Matthew Palmer takoi kryetaren e Levizjes Socialiste per Integrim, Monika Kryemadhi. Ai mberriti ne seline e LSI-se, pas takimit qe pati ne seline blu perreth nje ore me liderin demokrat Lulzim Basha.
Ka përfunduar rreth orës 14:45 takimi i zëvendës Ndihmës Sekretari i Departamentit të Shtetit për Evropën, Matthew Palmer me kryetarin e Partisë Demokratike Lulzim Basha. Ky i fundit, pas takimit me dyer të mbyllura në zyrën e tij në selinë blu, e përcolli Palmer jashtë, teksa shoqërohej edhe nga ish-deputetët Aldo Bumçi dhe Oerd Bylykbashi.
Zëvendës Ndihmës Sekretari i Shtetit për Evropën Mattheë Palmer mbërriti pas mesdite në selinë blu. Atje zyrtari amerikan u prit nga ish-deputeti Oerd Bylykbashi, për të mbajtur me tej një takim me liderin e opozitës Lulzim Basha. Takimi është pa praninë e mediave dhe pritet të zbardhet më tej nga zyra e shtypit pranë kësaj force politike.
Komente
Lajme të tjera
-
Gabriel Escobar, diplomati amerikan prej dekadash i angazhuar në Serbi do ta zërë vendin e Mathew Palmer
30 Gusht 2021, 13:50 -
Palmer vizitë 2-ditore në Mal të Zi: Prioritet për SHBA, kontributi për stabilitetin e Ballkanit Perëndimor
8 Korrik 2021, 12:29 -
‘'Forumi i Prespës’, Palmer - Roth: Të zhgënjyer që nuk u përcaktua data për mbajtjen e Konferencës së Parë Ndërqeveritare me Shqipërinë dhe Maqedoninë e Veriut
1 Korrik 2021, 09:48 -
Matthew Palmer: ‘Non paper’ pa asnjë vlerë, nuk ka ndryshim kufijsh në Ballkan
4 Qershor 2021, 22:04 -
Dialogu, Vuçiç 'zbut' tonet pas takimet me Palmer dhe Lajçak: Besoj në arritjen e një kompromisi me Kosovën
3 Qershor 2021, 22:06 -
Bërnabiç: Qeveria serbe ka në fokus dialogun me Kosovën, kërkojmë respektimin e marrëveshjeve
3 Qershor 2021, 17:01 -
Palmer: Dialogu Kosovë-Serbi çështje urgjente, Kurti e Vuçiç të punojnë së bashkë
2 Qershor 2021, 21:17 -
SHBA dhe BE bëhen bashkë për dialogun Kosovë-Serbi! Palmer: Njohja reciproke qëllimi final! Lajçak: Normalizim afatgjatë të marrëdhënieve
1 Qershor 2021, 11:22 -
Dialogu Kosovë-Serbi, Kurti dhe Osmani në takimet me Lajçak dhe Palmer se zgjidhja është njohja reciproke
1 Qershor 2021, 09:32 -
Dialogu Prishtinë-Beograd, i dërguari i BE-së Miroslav Lajçak viziton sot Kosovën
31 Maj 2021, 10:01 -
Berisha 'non grata', reagon Palmer: Abuzoi duke pasuruar veten dhe familjarët e tij! SHBA e merr shumë seriozisht luftën kundër korrupsionit
20 Maj 2021, 16:16 -
Yuri Kim shpërndan deklaratën e Palmer: SHBA pret standarde të larta për zgjedhjet 25 prilli, sundimi i ligjit do të thith më shumë investime
15 Mars 2021, 20:08
Nafija eshte totalisht e coroditur, eshte bere pishman 100 here qe shkoi pas partise se Klevis Kerricit por tani eshte vone,
PërgjigjuNafija baxhell e pa shoq