Lideri demokrat Lulzim Basha, në ditën e Rinisë ka përkujtuar lëvizjen e 8 Dhjetorit 1990 me në krye Azem Hajdarin, ndërsa ka falenderuar të gjithë të rinjtë që kanë kontribuar përgjatë këtyre ditëve në ndihmë të të prekurve nga tërmeti. Basha thotë se dhimbja e banorëve të cilët shteti i ka harruar është zbutur nga të rinjtë që i vijnë në ndihmë.
"Ky 8 dhjetor, Dita e Rinisë na bën krenarë për rininë tonë. 29 vite më parë të rinjtë u ngritën të parët në Lëvizjen e Dhjetorit që solli demokracinë; sot pas tragjedisë që goditi vendin, të rinjtë ishin të parët që u erdhën në ndihmë njerëzve dhe të parët që nisën mbledhjen dhe shpërndarjen e ndihmave.
Këtë 8 dhjetor shpreh mirënjohjen time të thellë për të gjithë të rinjtë që në këto ditë sprovash dhe dhimbjesh u shndërruan në shpresë dhe forcë për çdo shqiptar. Edhe dita e sotme i gjeti të rinjtë duke ndihmuar qindra familje të dëmtuara nga tërmeti në zonën e Kurbinit.
Dhimbja e këtyre banorëve të cilët shteti i ka harruar dhe braktisur, është zbutur nga të rinjtë që u vijnë në ndihmë duke vendosur gjithcka në dispozicion të të dëmtuarve. Kjo tragjedi zhveshi nga propaganda gjendjen e vërtetë të vendit, të Shqipërisë së varfër, të vjedhur dhe abuzuar.
Por sot ky angazhim dhe solidaritet i të rinjve është drita e shpresës që po ndriçon Shqipërinë, është frymëzimi ynë që ta kalojmë si një familje e madhe këtë situatë të rëndë sot e ta nxjerrim së shpejti Shqipërinë nga mjerimi, ta çlirojmë nga kthetrat e korrupsionit që nuk kursen as jetën e qytetarëve e ta bëjmë realitet thirrjen dhe destinin që të rinjtë nisën 29 vjet më parë, Shqipërinë si gjithë Europa.
Nderim përjetë heronjve të 8 dhjetorit 1990 me në krye Azem Hajdarin që u ngritën mbi frikën dhe me kurajo e vizion diktuan rënien e diktaturës dhe lindjen e demokracisë shqiptare. Mirënjohje për çdo të ri që në këto ditë te errëta për vendin, ka ndezur dritën e shpresës dhe solidaritetit kombëtar. Zoti e bekoftë rininë shqiptare dhe Zoti e bekoftë Shqipërinë!", shkruan Basha.
Lajmi kryesor:
Dita e Rinisë/ Berisha: Ngrihuni të frymëzuar nga Azem Hajdari! Basha: Të çlirojmë Shqipërinë nga kthetrat e korrupsionit
Lajme të tjera
-
Ben Andoni: E vërteta tek shqiptarët, si liri për të mos u dëgjuar!!
12 Dhjetor, 18:14
-
Dhjetori i Edi Ramës dhe minutat në Partinë Demokratike, përplasjet me Berishën dhe miqësia me Arben Imamin
11 Dhjetor, 18:15 -
Lëvizja e dhjetorit ‘90/ Rrëfimi i Preç Zogajt për Report Tv: Përplasja ime me Sali Berishën! Njeriu i dy ‘palëve’, si i largoi studentët nga PD pasi e uzurpoi
10 Dhjetor, 22:19 -
VIDEO/ Protagonistët e tranzicionit, kush ka mbetur ende në politikë nga lista e dhjetorit 1990
10 Dhjetor, 17:51 -
8 Dhjetori/ Neritan Ceka në Report TV: Politika po ndjek sistemin e përmbysur, çdo parti që vjen në pushtet kopje e Partisë së Punës
9 Dhjetor, 19:30 -
'SPAK e drejtojnë amerikanët, opozita e trembur', Ngjela: Në '92 pushtetin e mori 'Anti-Shqiptaria'! Mosbindja civile është injorancë
9 Dhjetor, 19:29 -
8 dhjetori dhe themelimi i PD-së, Arben Meçe: Shërbimi rus më prezenti në krijimin e Partisë Demokratike! Elezi: Soros, i përfshirë dhe kishte gati posterat
9 Dhjetor, 17:51 -
VIDEO/ ‘Faleminderit shoku Ramiz Alia!’ - Fjalimi i Berishës në dhjetor 1990 kur të gjithë studentët e fishkëllejnë dhe i ndërpresin fjalën!
8 Dhjetor, 22:49 -
Mero Baze: Pse PD duhet të ulë kokën çdo 8 Dhjetor
8 Dhjetor, 22:48
-
Flet Kreshnik Spahiu, një nga organizatorët e dhjetor '90: Kush i eleminoi dhe largoi 337 themeluesit e PD?
8 Dhjetor, 17:41 -
Sot dita e Rinisë, FRPD marshim nga qyteti Studenti tek kryeministria! Berisha, sulmon Soros: Arrestuan një gjysmë pensionist si unë
8 Dhjetor, 11:47 -
8 Dhjetori/ Ambasada amerikane: Studentët formësuan të ardhmen! SHBA krah jush në rrugën drejt BE-së! Ambasadori Gonzato: Integrimi varet nga angazhimi juaj
8 Dhjetor, 10:18
