TIRANE- Një 17-vjeçari i është bërë pritë në Tiranë nga shokët e tij, me qëllim për ta grabitur.

Ngjarja ka ndodhur pranë Pallatit të Sportit “Asllan Rusi” ku tre të rinj 17-vjeç nën këcënimin e armës dhe duke e qëlluar me grushte kanë grabitur të miturin R.Z, po 17-vjeç.

Ai kishte me vete 1250 euro të cilat ia kishte nisur i ati për të paguar tarifën e shkollës.

Shokët e tij e dinin këtë informacion dhe i kanë ngritur pritë duke i marrë lekët nën kërcënimin e një thike, por edhe duke e qëlluar me grushte.

Policia e Tiranës vetëm pak minuta pas ngjarjes ka arrestuar njërin prej të rinjve e Ertis.G, ndërkohë që dy autorët e tjerë të grabitjes Kastriot.C dhe Sergjio.Z, u arrestuan ditën e sotme.

Të rinjtë kanë pranuar krimin në polici dhe kanë thënë pasi i grabitën lekët i kanë fshehur ato.

Policia e Tiranës thotë se po punon për gjetjen e lekëve, ndërkohë që 3 të rinjtë do akuzohen për vjedhje me dhunë.

Redaksia Online
l.q/Shqiptarja.com