SPAK mbyll hetimet dhe dërgon për gjykim dosjen ndaj tre shtetasve italianë, sipërmarrësit 91 vjeçar Francesco Zummo, ekonomistit Fabio Petruzella dhe Daniele Cestagalli, broker financiar të cilët në bashkëpunim me biznesmenin e hidrokarbureve, Rezart Taçi, kunatin e tij Artur Ballën dhe badigardin, Bledar Lilo kishin organizuar një skeme komplekse financiare për pastrimin e 18.3 milionë eurove të ardhura të mafias siciliane Cosa Nostra.
Sipas dosjes hetimore sipërmarri nga Palermo - i cili është partner i dyshuar i kryebashkiakut mafioz, Vito Ciancimino, një nga bashkëpunëtorët e ngushtë të Toto Riinës - në gusht 2021 transferoi paratë nga Zvicra në Shqipëri. Për këtë transferim fitimi ishte 16% e shumës, pra 3 mln euro.
"Gjatë hetimeve janë mbledhur prova se ndihma në këtë rast për transferimin dhe fshehjen e shumës monetare është bërë kundrejt premtimit për marrjen e përfitimit monetar në masën 16 %, në raport me shumën monetare që është transferuar në Shqipëri dhe që do të vijonte të transferohej në vënde të tjera" thuhet në dosjen e SPAK
SPAK thotë se në përfundim të hetimeve paraprake lidhur me këtë proçedim penal është arritur në konkluzionin se të pandehurit Francesco Zummo, Fabio Petruzzella dhe Daniele Cestagalli, në bashkëpunim me shtetasit shqiptar Rezart Taçi, Artur Balla, Bledar Lilo të dërguar në gjykim më parë në kuadër të procedimit të lidhur kanë vepruar në formën e grupit të strukturuar kriminal.
Nga hetimet e mëparshme u mësua se skema e pastrimit të parave përmes transaksioneve bankare bëheshin në Shqipëri, Itali dhe Zvicër. Taçi dhe dy njerëzit e tij bashkëpunonin me italianët për pastrimin e 18 milionë eurove të Cosa Nostra-s
“Pjesë e kësaj skeme financiare, me ndihmën e shtetasve shqiptarë të përfshirë, ka qënë edhe kryerja e disa veprimeve dhe transaksioneve bankare në një bankë të nivelit të dytë në Shqipëri, veprime të cilat janë realizuar vetëm pjesërisht dhe nuk është arritur që të realizohen plotësisht, për shkak të veprimeve hetimore të kryera nga ana e Prokurorisë së Posaçme kundër Korrupsionit dhe Krimit të Organizuar
Shuma monetare që përbën produkt të veprës penale është në masën prej 18,399,941.50 (tetëmbëdhjetë milion, e treqind e nëntëdhjetë e nëntë mijë, e nëntëqind e e dyzet e një, pikë pesëdhjetë) Euro. Kjo shumë monetare është sekuestruar dhe tashmë është konfiskuar me vendim gjyqësor të formës së prerë në gjykimin ndaj të bashkëpandehurve në procedimin e lidhur" informon më tej SPAK
Më 9 janar 2024 SPAK ka paraqitur në Gjykatën e Posaçme kundër Korrupsionit dhe Krimit të Organizuar kërkesën për dërgimin në gjyq të çështjes penale në ngarkim të të pandehurve Francesco Zummo, Fabio Petruzzella dhe Daniele Cestagalli, të akuzuar për veprat penale “Pastrimi i produkteve të veprës penale ose veprimtarisë kriminale”, “Grupi i strukturuar kriminal”, “Kryerja e veprave nga grupi i strukturuar kriminal”, të parashikuara nga neni 287, paragrafi (1), shkronjat (a), (b) dhe (dh), nenet 28/4, 333/a/2, 334/1 të Kodit Penal.
Taci në gjyq
Në GJKKO vijon gjyqi ndaj ish bosit të naftës Rezart Taçi i cili po gjykohet në mungesë, ndërsa po gjykohen nën masën arrest me burg kunati i tij Artur Balla e ish truproja e tij Bledar Lilo. Dy të fundit, të besuarit e Taçit, u arrestuan më 12 nëntor 2021 kur dhe u zbulua skema dhe 18.3 mln eurot e mafias italiane “Cosa Nostra’ u bllokuan në një bankë të nivelit të dytë në Shqipëri.
Në nëntori 2021 kur SPAK shpalli në kërkim Rezart Taçin, ndërsa u arrestua kunati i tij Artur Balla e ish truproja e tij Bledar Lilo, Report Tv dhe Shqiptarja.com zbardhi detaje lidhur me dosjen e pastrimit të parave nga Rezart Taçi në bashkëpunim me italianët.
Dy prej italianëve, Francesco Zummo, 90 vjeç dhe ekonomisti i tij Fabio Petruzzella, rezulton se kishin ardhur në Shqipëri në muajin qershor 2021 ku hapën edhe llogari bankare për të transferuar më pas 18 milionë eurot që u sekuestruan më 12 nentor nga SPAK. Ata i transferuan eurot në llogari,ku Taçi më pas përmes transaksioneve do të bënte pastrimit përmes firmave të naftës ku do të transferoheshin në një bankë në Malin e Zi.
Rezart Taçi përmes transaksioneve bankare do të kalonte paratë e krimit në nga bankat e nivelit të dytë në Shqipëri ne bankat e tjera jashtë vendit , ku dhe do të përfitonte përqindjen e tij, rreth 3 milionë euro. Nuk dihet nëse ai i ka marrë këto para.
Sipas SPAK skema e pastrimit të parave të krimit drejtohej nga shtetasit italian Francesco Zummo, 90 vjeç dhe I.Z., në bashkëpunim me ekonomistin Fabio Petruzzella dhe iatlianin D.C., të cilët pastronin paratë në Zvicër dhe Shqipëri. Në Shqipëri bashkëpunëtori i tyre ishte Rezart Taçi, i cili së bashku me 2 të besuarit e tij Artur Balla dhe Bledar Lilo, pastronin paratë përmes bizneseve të tyre në Shqipëri në sektorin e naftës.
Dy shqiptarët Artur Balla dhe Bledar Lilo kryenin transaksionet financiare përmes një banke të nivelit të dytë në Shqipëri vlera e së cilës përllogaritet dhjetëra miliona euro. Gjatë hetimeve, SPAK ka mbledhur prova se Rezart Taçi dhe dy njerëzit e tij besuar do të merrnin përqindjen nga transaksionet e parave përmes një banke të nivelit të dytë në Shqipëri.
SPAK sekuestroi 18,399,941.50 Euro, që janë përfituar pikërisht përmes pastrimit të parave të krimit, të cilat ishin bllokura më parë dhe ishin liruar nga një gjykatë. Këto para kanë ardhur nga italiani 90-vjeçarin Francesco Zummon nga Zvicra gjatë muajit gusht 2021 në Shqipëri ku do të bëhej edhe pastrimi nga Taçi dhe dy bashkëpunëtorët e tij, por kjo është bërë vetëm pjesërisht, pasi hetimet e SPAK kanë parandaluar që të kryhej pastrimi i plotë i parave në Shqipëri.
Kush është Francesco Zummo
Zummo, një sipërmarrës 90-vjeçar nga Palermo, është partner i dyshuar i kryebashkiakut mafioz, Vito Ciancimino, i cili qanë një nga bashkëpunëtorët e ngushtë të Toto Riinës. Zummo akuzohet se ka ndihmuar Cianciminon në pastrimin e shumave të mëdha të parave. Po ashtu ai është hetuar nga gjyqtari Giovanni Falcone, i vrarë nga mafia, ndërsa është akuzuar se ka qenë në dispozicion edhe të Cosa Nostra-s. Petruzzella është ekonomist dhe vëllai i një gjyqtari në Palermo, i cili ndihmoi në zhdukjen mbi 18 mln eurove të Zummon, që do të konfiskoheshin, duke i transferuar në një llogari bankare në Tiranë. Janë pikërisht këto para që SPAK i sekuestroi në 2021 dhe tashmë janë konfiskuar.
Në dosjen hetimore të Prokurorisë së Antimafias së Palermos e cila ka drejtuar operacionin e riciklimit të parave ishin dhe përgjimet e antimafias italiane ku ishin bisedat e brokerit italian Cestagalli. Taçi e Cestgalli sipas përgjimeve të Antimafias e të zbardhura në dosjen hetimore ishin dakordësuar të merrnin 16% e shumës që do të riciklohej
Lajme të tjera
-
Nga izolimi Berisha përdor 'bamirësinë' e të shoqes, Mero Baze: Ose Rezarti ka gënjyer Lirinë, ose ajo nuk i ka treguar lekët burrit
30 Janar, 22:46 -
Do pastronin 18.4 mln euro të 'Cosa Notras'-s, Shtyhet sërish seanca paraprake për biznesmenin Rezart Taçi
30 Janar, 12:30
-
Akuzohet për pastrimin e 18.3 mln euro të Cosa Nostras, GJKKO shtyn sërish seancën për Rezart Taçin
18 Janar, 11:19 -
Akuzohet për pastrimin e 18.3 mln euro të Cosa Nostras, shtyhet seanca për Rezart Taçin! Avokatja kërkon pushimin e çështjes: Po gjykohet në Itali
8 Janar, 10:15
-
U pezullua për një vit, rinis në GJKKO gjyqi ndaj Rezart Taçit! Akuzohet për pastrimin e 18.3 mln euro të mafias italiane
18 Dhjetor 2023, 13:04
-
Do pastronin paratë e mafias ‘Cosa Nostra’, Apeli i GJKKO-së lë në fuqi dënimin me 21 vite burg për kunatin e shoferin e Rezart Taçit! 18.4 mln euro i kalojnë shtetit
2 Tetor 2023, 10:23 -
Do pastronin 18.4 mln euro të Cosa Nostra-s në Shqipëri, GJKKO dënon me 21 vite burg në total kunatin dhe shoferin e Rezart Taçit! Konfiskohet shuma e parave
25 Prill 2023, 15:16 -
Do pastronin 18.4 mln euro të 'Cosa Notras'-s në Shqipëri, SPAK përfundon hetimet, dërgohet për gjykim Rezart Taçi, kunati dhe shoferi i tij
28 Tetor 2022, 08:55 -
Të gjitha ofertat që pranoi Sali Berisha në këmbim të plaçkitjes së Shqipërisë! Mori 10 milionë euro nga Taçi?
19 Mars 2022, 08:24
-
Do pastronin 18 mln € të mafies italiane, Gjykata e Lartë lë në burg 2 miqtë e Rezart Taçit
14 Mars 2022, 11:16
-
Akuzohen për pastrim parash, kunati dhe shoferi i Rezart Taçit lihen në burg! Gjykata refuzon t’i lirojë, ish-bosi i naftës ende në arrati
26 Janar 2022, 15:45 -
Gjykata e Palermos vendos, bashkëpunëtori i Taçit, Fabio Petruzzella mbetet prapa hekurave, por bie akuza për mafia! Tentuan të pastronin 18.4 mln euro nga Shqipëria
5 Dhjetor 2021, 13:05
