Do vriste drejtorin e ALUIZNI-t me çifte, parandalohet ngjarja e rëndë në Kukës

Do vriste drejtorin e ALUIZNI-t me çifte, parandalohet ngjarja e rëndë në Kukës

Një 40-vjeçar ka tentuar të vrarë me çifte drejtorin e ALUIZNI-t në Kukës, Vladimir Spahiu, pas një sherri të ndodhur në institucion për shkak të detyrës.

Shqiptarja.com mëson se policia ka marrë informacion përmes një telefonate në sallën operative, se një banorë i Kukësit kishte kërcënuar në institucion më lidhje me detyrën, drejtorin e ALUIZNI-t në këtë qytet. Me të marrë informacionin policia ka mbërritur në institucion arrestoi në flagrancë 40-vjeçarin me inicialet P.H, banues në Kukës.

40 vjeçari kërcënoi kreun e ALUIZNI-t, Vladimir Spahiu 46 vjeç, dhe është larguar në banesë për të marrë armën e gjahut të cilën e posedonte me leje. Ai është është rikthyer përsëri, duke prishur dhe qetësinë publike, dhe në këto momente falë ndërhyrjes së Policisë u bë e mundur kapja e autorit si dhe bllokimi i armës.

Ai do të hetohet nga Prokuroria e Kukësit për veprat penale “Kanosja për shkak të detyrës” dhe “Prishja e qetësisë publike”.

Shqiptarja.com mëson se 40-vjecari i ka kërkuar drejtorit qe të fuste në punë tek ALUIZNI një njeriun e tij të afërt, por drejtori i është përgjigjur se personi në fjalë nuk plotëson kriteret. Mbi këtë diskutim ka nisur edhe debati mes të dyve, që ka agravuar situatën derisa 40-vjeçari, tashmë i arrestuar, të drejtohet në shtëpi për të marrë armën e gjahut.

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • No comment: 02/04/2019 14:32

    Njeres te Neandertalit!

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Arrestimi i Evis Berberit, qeveria emëron Gentian Gjylin në krye të ARRSH

Arrestimi i Evis Berberit, qeveria emëron Gentian Gjylin në krye të ARRSH