'Dolce & Gabbana' i bashkohet luftës globale kundër koronavirusit

Dy themeluesit e markës botërore “Dolce and Gabbana”, Domeniko Dolce dhe Stefano Gabbana kanë vendosur të bëjnë një donacion të rëndësishëm për “Humanitas University” në mbështetje të studimit për koronavirusin kinez Sars-CoV-2.

Sipas “Bazzar” objektivi i studimit, i realizuar në bashkëpunim me studuesit Elisa Vicenzi dhe Massimo Clementi të Universitetit “Vita-Salute San Raffaele”, është të vendosen bazat në zhvillimin e mjeteve diagnostikuese.

“Ndjenim se do duhej të bënim diçka për të luftuar këtë virus të tmerrshëm, që duke u nisur nga Kina, po godet gjithë njerëzimin”, u shprehën ata.

Dizenjuesit e “Dolce & Gabbana” shtuan se ndërsa ndjejnë se kontributi i tyre në problemin global mund të duket i vogël, ata shpresojnë se do të jetë i rëndësishëm.

"Përballë këtyre tragjedive të një shkalle kaq të gjerë, secili veprim mund të duket i parëndësishëm.

Por Profesori Mantovani, i cili po udhëheq projektin na tha fabulën afrikane për një gumëzhitje: ndërsa të gjitha kafshët e tjera po iknin nga një zjarr në pyll, ajo fluturoi në drejtim të kundërt, duke vazhduar të sjellë ujë në përpjekje për të shuar zjarrin.

Kuptuam që në çdo rast ia vlente të bëja diçka. Edhe një gjest shumë i vogël mund të ketë një domethënie të madhe.

Mbështetja e kërkimit shkencor është një detyrë morale për ne, shpresojmë se kontributi ynë do të ndihmojë në zgjidhjen e këtij problemi dramatik", janë shprehur ata.

Foto nga sfilata e “Dolce and Gabbana”

TAG:
• dolce and gabbana
• Koronavirus