Dorëheqja nuk i shpëton, kush janë prokurori dhe gjyqtarja që do kalojnë në Vetting

Dorëheqja nuk i shpëton, kush janë prokurori dhe gjyqtarja që do kalojnë në Vetting

Gjyqtarja Mirela Fana

Ish-gjyqtarja e Gjykatës së Lartë, Mirela Fana, do t’i nënshtrohet procesit të Vettingut. Kolegji i Posaçëm i Apelimit ka regjistruar ankimimin e Komisionerit Publik, që gjyqtarja Fana të kalojë në ‘sitën’ e Vettingut. Komisioni i Pavarur i Kualifikimit ndërpreu procesin e Vettingut për gjyqtaren Fana, pasi ajo dha dorëheqjen nga detyra.

Njoftimi i KPA:
Në Kolegjin e Posaçëm të Apelimit është regjistruar çështja Nr.2/2018 JR, datë 17.04.2018 që i përket ankimit të paraqitur nga Komisioneri Publik kundër vendimit Nr.5, datë 23.03.2018 të Komisionit të Pavarur të Kualifikimit që lidhet me procesin e rivlerësimit kalimtar të subjektit të rivlerësimit znj. Mirela Fana.

Sot, në datën 15.05.2018 në Kolegjin e Posaçëm të Apelimit u hodh shorti për caktimin e trupit gjykues, kryesuesin e këtij trupi dhe relatorin e çështjes. Trupi gjykues ​i caktuar me short është i përbërë si më poshtë vijon:

Kryesues: Natasha Mulaj

Relator:    Rezarta Schuetz

Anëtarë:    Albana Shtylla

Ardian Hajdari

Sokol Çomo

Gjithashtu, procesit të rivlerësimit do t’i nënshtrohet edhe prokurori Sulejman Tola. Edhe Tola u largua nga detyra dhe KPK vendosi t’i ndërpresë procesin e Vettingut, por KPA ka regjistruar çështjen për rivlerësimin e këtij subjekti.

Njoftimi i KPA:
Në Kolegjin e Posaçëm të Apelimit është regjistruar çështja Nr.3/2018 JR, datë 17.04.2018 që i përket ankimit të paraqitur nga Komisioneri Publik kundër vendimit Nr.4, datë 23.03.2018 të Komisionit të Pavarur të Kualifikimit që lidhet me procesin e rivlerësimit kalimtar të subjektit të rivlerësimit z. Sulejman Tola.

Sot, në datën 15.05.2018 në Kolegjin e Posaçëm të Apelimit u hodh shorti për caktimin e trupit gjykues, kryesuesin e këtij trupi dhe relatorin e çështjes.

Trupi gjykues ​i caktuar me short është i përbërë si më poshtë vijon:

Kryesues: Rezarta Schuetz

Relator:     Ardian Hajdari

Anëtarë:    Ina Rama

Luan Daci

Sokol Çomo

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • ToniT: 15/05/2018 18:47

    Kjo eshte gjygjtarja pararoj e korrupsjonit. Ka plr bashkeshort një palo burr dhe palo avokat. Mbron vetem vrasesit. Do e shikoni në gjygj se sa miljona i kan vjedhur duke çfrytezuar çekiçin e gjyqtares se lart. Pazaret e saj i bënte i shoqi. Plehra ne drejtesin shqiptare. Vet Sali Berisha e flaku si avokati i tij.

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

S’ka treg, fermerët hedhin kastravecët në kanal: Shteti të kontrollojë pikat e grumbullimit! Report Tv vëzhgim në serat e Lushnjës, Dimalit e Beratit

S’ka treg, fermerët hedhin kastravecët në kanal: Shteti të kontrollojë pikat e grumbullimit! Report Tv vëzhgim në serat e Lushnjës, Dimalit e Beratit