Dosja e Bashës dhe dy zyrtarëve të PD për lobimin rus në dorë të Fatmira Hajdarit në Apel

Fatmira Hajdari dhe Lulzim Basha

TIRANË- Dosja ndaj Lulzim Bashës për falsifikim formulari në lidhje me lobimin rus në Gjykatën e Apelit i është caktuar Fatmira Hajdarit. Gazetari i Report Tv, Arsen Rusta raporton se shorti ka zgjedhur pikërisht Fatmira Hajdari, ish bashkëshorten e Azem Hajdarit, për të gjykuar nëse vendimi i marrë nga gjyqtari Lazër Sallaku që shpalli kryedemokratin Basha të pafajshëm nga akuzat, është i drejtë ose jo.  

Ankimi në Gjykatën e Apelit Tiranë është depozituar më 7 shkurt nga prokurori Kolë Hysenaj i cili kërkon që Basha të gjykohet për falsifikimin e deklaratave të shpenzimeve për fushatën elektrorale 2017.

Gjykata e Tiranës në gjyqin paraprak që u zhvillua më 13 janar vendosi pushimin e çështjes së lobimit për kryetarin e PD-së Lulzim Basha dhe dy zyrtarët e tjerë të PD-së, ish-sekretarin e përgjithshëm Arben Ristani dhe financierin e partisë Ilir Dervishi. Kështu dy vite hetime nga prokuroria e Tiranës, gjyqtari Lazer Sallaku i cilësoi të pavlefshme duke rrëzuar akuzën e ngritur nga organi i akuzës për falsifikim kundër Lulzim Bashës dhe dy zyrtarëve të tjerë të PD-së, pasi sipas tij nuk faktohet një gjë e tillë. Me një vendim të tillë, prokuroria nuk ishte dakord vendosi ta apelonte.  

Fatmira Hajdari është ish- bashkëshortja e deputetit demokrat Azem Hajdari dhe mamaja e Rudina Hajdarit, ish- deputeja e PD-së që zgjodhi të mos i "bindej" Bashës për djegien e mandateve. 

B.K./Shqiptarja.com
  • Sondazhi i ditës:

    Ju duket i drejtë ndëshkimi deri në 15 vite burg për ata që thyejnë karantinën?

Komento

Komente

  • MINUSHE: 12/02/2020 09:57

    kur u be edhe fatmira hajdari gjyqtare ....nje ish shitese... cope mishi u shembte ky vend!:(

    Përgjigju
  • A...Zh: 11/02/2020 16:57

    Tragjike e komike njekohesisht! Rames i ka ngelur propaganda, nderkohe vendimet akoma vazhdojne t'i marrin te tjeret. Pa kur presim rezultatet e Reformes ne Drejtesi, reformes se le***!

    Përgjigju
  • Erik: 11/02/2020 16:37

    Cfare rastisie he?! Pa pa pa sa fat qe ka Lul domatja.

    Përgjigju
  • Mala: 11/02/2020 13:43

    Ne raste te tille kryehet arsyeshem per "kinfilkt interesi" nderrimi I gjyqta(rit),res.Kur paraprakishte dihet se del e njeanshme edhe en zbatim ligji dhe te drejtes.Institucioni nuk guxon ne lejoje shelje te tilla kaq te panatyrshme,te vetekuptueshme, nga del vetem ajo qe pritet,anim delitanat, deri ne shkalle primitive te zbatimit te se drejtes dhe se vertetes se madherishme

    Përgjigju
  • Hinglateri: 11/02/2020 13:20

    Basha te Hajdari i bie te shkoje te hajgari

    Përgjigju
  • Juristi: 11/02/2020 13:14

    Na falni,por po na vje me vjelle kur lexojme emrin e gjyqtares.E tmerrshme ku jemi katandis.

    Përgjigju
    • Arbëri: 11/02/2020 15:42

      Shumë e vertet kjo që thua!!!