Gjykata e Strasburgut ka pranuar të shqyrtojë çështjen e dy prokurorëve të shkarkuar pak javë më parë, Dritan Gina e Rovena Gashi. Dy prokurorët kanë ankimuar vendimin e kryeprokurores së Përgjithshme, Arta Marku për pezullimin e tyre nga detyra. Në njoftimin e Gjykatës së Strasburgut thuhet se çifti ka ankimuar edhe procedurat e ONM-së.
“Prokurorët Gashi dhe Gina kërkojnë nga Gjykata e Strasburgut që të shqyrtojë shkeljet e parashikuara në Konventën Europiane të të Drejtave të Njeriut, të kryera nga KPK, KPA dhe Prokurori i Përgjithshëm i Përkohshëm, duke vendosur rrëzimin e kërkesës për pezullimin e tyre nga detyra, si edhe të konstatojë shkeljet proceduriale gjatë procesit të rivlerësimit.”-thuhet në njoftim.
Njoftimi i plotë:
Gjykata e Strasburgut ka pranuar të marrë në shqyrtim, nëpërmjet procedurës së njoftimit urgjent të autoriteteve shqiptare dhe kalimit në seancë gjyqësore me prioritet, ankimin e prokurorëve Rovena Gashi dhe Dritan Gina, duke e regjistruar çështjen e tyre me nr. Nr.29943/18 “Gashi dhe Gina kundër Shqipërisë”, dt. 27.06.2018.
Dy prokurorët kanë ankimuar një seri procedurash ligjore, të ndjekura nga Komisioni i Pavarur i Kualifikimit, përfshirë edhe Kolegjin e Posaçëm të Apelimit dhe Operacionin Ndërkombëtar të Monitorimit, si edhe të Prokurorit të Përgjithshëm të Përkohshëm.
Prokurorët Gashi dhe Gina kërkojnë nga Gjykata e Strasburgut që të shqyrtojë shkeljet e parashikuara në Konventën Europiane të të Drejtave të Njeriut, të kryera nga KPK, KPA dhe Prokurori i Përgjithshëm i Përkohshëm, duke vendosur rrëzimin e kërkesës për pezullimin e tyre nga detyra, si edhe të konstatojë shkeljet proceduriale gjatë procesit të rivlerësimit.
Pas konfirmimit se çështja do të shqyrtohet nga Gjykata e Strasburgut, prokurorja Rovena Gashi kërkoi nga Komisioni i Pavarur i Kualifikimit, të Martën, dt. 10.07.2018, të ndërpresë procedurën e rivlerësimit kalimtar të nisur ndaj saj. Këtë kërkesë e bazon në përcaktimet e neneve 17, 29, 32, 34, 38 dhe 46 të Konventës Europiane të të Drejtave të Njeriut, në bazë të të cilave autoritetet e brendshme nuk mund të vijojnë shqyrtimin e çështjes, përsa kohë procedurat paraprake të saj po shqyrtohen nga Gjykata Europiane e të Drejtave të Njeriut deri në vendimin përfundimtar prej saj.
Prokurorët Rovena Gashi dhe Dritan Gina, në aplikimin e tyre, i kanë argumentuar Gjykatës së Strasburgut se institucionet kanë dështuar që t'i sigurojnë një proces të rregullt ligjor, si gjatë procesit të rivlerësimit, ashtu edhe në procesin penal.
1. Gjatë procesit të rivlerësimit (Vetingut), subjektit Rovena Gashi nuk i është garantuar prej Komisionit të Pavarur të Kualifikimit një trupë gjykuese e pavarur dhe e paanshme, pasi në përbërje të trupës gjykuese të këtij subjekti, prej datës 30.11.2017 deri në datën 15.03.2018, ka qenë Komisionerja S. Zh., më të cilën, subjekti i rivlerësimit Rovena Gashi ka konflikt të hapur interesi. Procesi ka qenë i paragjykuar, pasi të gjithë procedurat dhe hetimi administrativ ndaj saj, për përiudhen nga data 30.11.2017 deri në datën 15.03.2018, e ka zhvilluar komisionerja S.Zh., në cilësinë e Relatores.
2. KPK ka shkelur detyrimin e konfidencialitetit dhe detyrimin e mospërhapjes së informacionit, duke shpërndarë informacione dhe akte zyrtare që ka administruar gjatë hetimit rreth subjekti Rovena Gashi, informacione, për të cilat vazhdonte procesi i verifikimit, ku relatore ka qenë komisionerja S.Zh, në kushtet e konfliktit të interesit.
Për shkeljen e parimeve të konfliktit të interesave, ankimuesit Gashi dhe Gina i referojnë Gjykatës së Strasburgut se edhe Operacioni Ndërkombëtar i Monitorimit ka dështuar ta identifikojë dhe të sugjerojë masat përkatëse për komisioneren, siç e ngarkon ligji shqiptar këtë strukturë, pavarësisht faktit se ONM është vënë në dijeni të fakteve dhe provave nga subjekti Rovena Gashi.
3. Shkeljet e procedurave gjatë procesit të rivlerësimit të subjektit Rovena Gashi kanë qenë vendimtare për shkatërrimin e pozitave të subjektit të rivlerësimit në drejtim të të trija kritereve, në raport me kriteret që ky subjekt u përfshi në procesin e Vetingut.
Shkelja e konfidencialitetit të të dhënave për pasurinë nga Komisioni i Vetingut u keqpërdor nga një media on-line, e drejtuar nga një ish-deputet, i cili u hetua dhe u dërgua për gjykim nga prokurorja Rovena Gashi, si i akuzuar për "Pastrim parash". Kjo media on-line, me qëllim hakmarrjeje personale, abuzoi me dokumentat e dorëzuar në KPK, duke shpifur me fakte të pavërteta për pasurinë e subjektit.
Të dhënat e publikuara në mënyrë abuzive u vlerësuan nga Prokurorja e Përgjithshme e Përkohshme që të urdhëronte nisjen e hetimit penal. Në bazë të këtij urdhëri, Prokuroria e Durrësit regjistroi procedimin penal. Vetëm në bazë të të dhënave të publikuara në median e ish-deputetit, kjo prokurori mori në cilësinë e të pandehurit subjektin Rovena Gashi. Në këtë mënyrë, Gashit iu hoq mundësia e vlerësimit objektiv mbi kriterin e pasurisë gjatë procesit të Vetingut, i cili ende nuk ishte përfunduar.
Procedimi penal për pasurinë, i cili e kishte pikënisjen nga media on-line e ish- deputetit, u vlerësua i mjaftueshëm nga Prokurorja e Përgjithshme e Përkohshme që të vendoste pezullimin e subjektit Rovena Gashi, duke i hequr mundësinë e vlerësimit objektiv të kriterit të aftësisë profesionale gjatë procesit të Vetingut.
Përfolja mediatike për një kohë të gjatë e subjektit të rivlerësimit, në bazë të keqinterpretimit të informacioneve të administruara nga KPK, në shkelje të detyrimit të konfidencialitetit, i hoqi mundësinë për një vlerësim objektiv mbi kriterin e figurës, ende pa u vlerësuar ky kriter nga KPK.
Gjithashtu, në kërkesën e regjistruar tashmë në Gjykatën e Strasburgut, aplikantët pretendojnë se, në procedurat e ndjekura nga Kolegji i Posaçëm i Apelimit (KPA), konstatohen shkelhet, si vijon:
a-mohimin flagrant të drejtësisë, për shkak të pamundësisë për të kundërshtuar në rrugë gjyqësore urdhërat e pezullimit;
b-shkeljen e të drejtës për të respektuar jetën private, për shkak të pezullimit të menjëhershëm, të paligjshëm dhe arbitrar;
Kolegji i Apelimit, fillimisht nuk e mori në shqyrtim ankimin e prokurorëve Gashi e Gina kundër vendimit të Prokurores së Përgjithshme të Përkohshme për pezullimin e tyre nga detyra. Argumenti fillestar i Kryetares së KPA ishte fakti që, në trupën gjykuese të përzgjedhur nga shorti, pjesëmarrëse ishte edhe një gjyqtare, e cila dha dorëheqjen për shkak të konfliktit të interesave. Shqyrtimi i ankimit të tyre do të shtyhej në kohë, për shkak se KPA nuk kishte rregullore për zëvendësimin e gjyqtarëve. Më tej, KPA, me të njëjtin trup gjykues, madje me relatore gjyqtaren që kishte dhënë dorëheqjen më parë për shkak të konfliktit të interesave, merr vendim për mos-shqyrtimin e kërkesës së tyre.
Komente
Lajme të tjera
-
Afera 'Partizani’/ GJKKO shtyn më 16 dhjetor seancën paraprake për Berishën, dhëndrin dhe 3 të tjerët! Avokati Gjokutaj: Strasburgu po shqyrton me prioritet dosjen e ish-kryeministrit
25 Nëntor, 12:52 -
KPA shuan shpresat për gjyqtarët e prokurorët e shkarkuar edhe me votën e Luan Dacit! Kolegji në dosjen e Rovena Gashit: Vendimet tona të pacënueshme nga ish gjyqtari i dënuar
30 Shtator, 08:29
-
Protestë para 'Strasburgut'? Luan Baçi nuk e përjashton: Duhet ndërkombëtarizuar çështja e Berishës
20 Shtator, 18:00 -
Kuvendi miraton pr/ligji për studentët e Mjekësisë, 3 vite punë të detyruar ose paguaj studimet! Shteti duhet ta punësojë brenda 3 muajsh ose t'i japë 80% të pagës për 9 muaj
19 Shtator, 17:32
-
Belerit nuk i bëhet të kthehet: Do ta sjell çështjen time në Gjykatën e Strasburgut! Në Parlamentin Europian kam prioritet vetëvendosjen në Shqipëri
19 Korrik, 20:58 -
Të drejtat e njeriut/ Manja: GJEDNJ ka 101 vendime prej 2020 kundër Shqipërisë, Holta Zaçaj: Shkeljet e kthyera nga Strasburgu lidhen me pronën
4 Korrik, 20:38 -
Vendimi i Strasburgut/ Qeveria dëmshpërblen 17 familjarët e viktimave të masakrës së Gërdecit! 170 mijë euro do u paguhen brenda 3 muajve
27 Mars, 19:44 -
'Strasburgu' i dha të drejtë, Antoneta Sevdari jo më e shkarkuar, KPA prish për herë të parë vendimin e vetingut! Dosja do të rishqyrtohet më 17 prill
11 Mars, 10:41 -
Dosja ‘21 janari’ drejt SPAK, Gjykata e Lartë vendos më 12 mars në seancë gjyqësore! Thirrja e Strasburgut për drejtësi: Krim shtetëror, të hetohet
27 Shkurt, 07:28 -
21 janari, Topuzi: Apeli nga Strasburgu i qartë, duhet të vihen para drejtësisë përgjegjësit e vërtetë! Kush dha urdhër për vrasjet dhe ç’ndodhi me hetimet
21 Janar, 18:09 -
SPECIALE E REPORT TV/13 vite pas krimit shtetëror të 21 janarit, pritet SPAK! Ja provat që sjell Strasburgu për të rihapur hetimet
21 Janar, 13:58
-
Xhaxhai i Aleks Nikës për Report Tv: SPAK të hetojë 21 janarin, Prokuroria e Tiranës e mbajti dosjen peng 13 vite! Qeveria Berisha fshiu provat
21 Janar, 13:27
Aman mi rovena sa mire e njihke KEDNJ ti dhe shpura jote qe s’keni lene te zeze pa bere vetem sepse kishit miratimin e Kryetarit, fale meritave te tua teppperrrr teper profesionale. Ju qe vetem nje fjale ju kushtonte min. 150.000 euro. Ajo “media online” ska thene gje ende! Sa pasuri keni ju ende hehe
PërgjigjuAhahhaha deliri i madheshtise ahahha gjigande
Përgjigju