Gjyqtari i Korçës Markelian Kuqo do të japë llogari para Këshillit të Lartë Gjyqësor në datën 2 tetor 2020 për lirimin nga burgu të të dënuarit me burgim të përjetshëm, Gert Gjinararin, miku i Arben Grorit, i njohur ndryshe si "Gjenerali". Relator i çështjes së gjyqtarit Kuqo është anëtari i KLGJ, Dritan Hallunaj, ndërsa dosja është përgatitur nga Inspektorati i Lartë i Drejtësisë, i cili kërkon shkarkimin e gjyqtarit nga detyra. Në 2 tetor, gjyqtari Kuqo duhet të paraqesë versionin e tij para KLGJ për të mbështetur ligjshmërinë e lirimit të Gert Gjinararin, ndërsa do t’u përgjigjet edhe pyetjeve të anëtarëve të Këshillit.
Dosja e gjyqtarit Kuqo është prova e parë e KLD për të goditur gjyqtarët e akuzuar për shkelje, sidomos ata që lirojnë nga burgu të dënuarit përjetë. Këshilli i Lartë i Drejtësisë i zëvendësuar nga KLGJ në fund të vitit 2018 në kuadër të zbatimit të reformës në drejtësi, ‘blindoi’ kulturën e pandëshkueshmërisë në gjyqësor, duke referuar mbi 90 % të kërkesave për shkarkimin e gjyqtarëve, të akuzuar për shkelje.
Po pse ILD kërkon shkarkimin e Markelian Kuqos? Në 14 shkurt 2019, gjyqtari Kuqo, me një vendim të shumëdebatuar vendosi të lironte me kusht nga burgu Gert Gjinararin, i cili ishte dënuar me burgim të përjetshëm si bashkëpunëtor me Arben Grorin në vrasjen e bujshme të Naim Zyberit në Itali. Në Itali, Gert Gjinarari është dënuar dy herë për një sagë krimesh që nga trafiqet, veprimtari në kuadër të grupit kriminal. Në vendimin e gjyqtarit shkruhet se Gjinarari është plotësisht i rehabilituar dhe i gatshëm për t’u riintegruar në shoqëri.
Vendimi i gjyqtarit Kuqo u rrëzua nga Gjykata e Apelit si i paligjshëm, por Gert Gjinarari tashmë ishte zhdukur. Inspektorati i Lartë i Drejtësisë, i ngritur në janar të këtij viti, nisi një hetim gjashtëmujor, hetim i cili përfundoi në fund të muajt korrik 2020. Në përfundim të hetimeve, ILD i kërkoi Këshillit të Lartë Gjyqësor të shkarkojë nga detyra gjyqtarin e Korçës, Markelian Kuqo, me pretendimin se gjyqtari kishte konsumuar një sërë shkeljesh me vendimin e lirimit nga burgu të Gert Gjinararit.
Sipas dosjes ILD-së, gjyqtari i Korçës ka kryer shkelje të rënda dhe të vazhdueshme të legjislacionit penale, duke bërë shtrembërim të fakteve dhe rrethanave, me qëllim për të nxjerrë nga burgu Gert Gjinararit. Më konkretisht, Kuqo, sipas ILD, ka zbatuar Kodin Penal gjatë kohës së dënimit të Gjinararit, sipas të cilit i dënuari me burgim të përjetshëm mund të kërkojë lirim me kusht nëse ka kryer 25 vite burg dhe jo Kodin në fuqi që parashikon 35 vite burg.
Sipas dosjes së ILD, gjyqtari Kuqo duhet të zbatonte Kodin në fuqi, pasi rastet e fuqisë prapavepruese të ligjeve janë zgjidhur me një vendim unifikues të Gjykatës së Lartë. Ndërkaq, për një rast të ngjashëm gjyqtari Kuqo i është referuar Kodit të ndryshuar, duke zbatuar drejt ligjin, duke kundërshtuar vendimin e tij për Gert Gjinararin.
Komente
Lajme të tjera
-
Buxheti 2025, Kuvendi shpërndan para shtesë për institucionet e drejtësisë! 100 mln lekë për godinën e re të SPAK, fond pagash për stafin e Komisionerit Publik
26 Nëntor, 07:06 -
Buxheti 2025 kalon te 'Ligjet': 500 milionë lekë më shumë për zgjedhjet, 200 milionë lekë për SPAK, shtesa për sigurinë kibernetike dhe institucionet e Drejtësisë
25 Nëntor, 19:58 -
SKEDA/ Operacioni i SPAK, kush është Taulant Tafa, gjyqtarit që iu kontrollua banesa! Dy vite më parë i uli dënimin Arben Grorit
25 Nëntor, 14:08 -
KLGJ miraton listën e 12 kandidatëve që do të ndjekin Shkollën e Magjistraturës
20 Nëntor, 18:32 -
Godinë me qira për Gjykatën e Apelit, KLGJ kërkon 30 milionë euro shtesë! PD: Ju kemi llastuar! Kryetari Rusi: S'po bëj kërkesa luksi
15 Nëntor, 12:53 -
E Ngarkuara me Punë e SHBA takim me anëtarët e KLGJ-së: Amerika mbështetje të fortë për institucionet e drejtësisë
12 Nëntor, 21:39 -
Progres raporti, ambasadori i BE-së: Mbyllja e negociatave në 2027 realitet nëse intensifikoni reformat! Shqetësim orvatjet për të ndikuar në drejtësi! Nevojë urgjente për dialog! Rama: S'bëhet me muskuj
31 Tetor, 10:48 -
Naureda Llagamit i përfundoi mandati, Ilir Rusi zgjidhet kryetar i ri i Këshillit të Lartë Gjyqësor
22 Tetor, 17:50 -
Gjykata detyron KLGJ që të paguajë magjistratët nga momenti i diplomimit
17 Tetor, 21:15 -
Shorti i tretë zgjidh ngërçin për vakancat në KLGJ dhe KLP
8 Tetor, 21:07 -
Institucionet e drejtësisë refuzojnë komisionin ‘Antikorrupsion’, vetëm KLP cakton dy anëtarë! Prokuroria e Përgjithshme dhe KLGJ nuk marrin pjesë: Gati të japim opinion
4 Tetor, 11:10 -
Komisioni antikorrupsion/ SHBA, Britania dhe BE: S'ka kthim pas të reformës në Drejtësi! Gonzato: Zbatoni vendimet e Kushtetueses siç janë
26 Shtator, 11:28
Ne rast se eshte ne shkelje me kodin penal ne qafe paste veten ...por per te gjithe ato kuriozet ka klauzola ligji qe te lejon ta interpretosh ne favor te nje pale Apo tjetre. Ploteson kushtin e pse Jo mos lirohet!?
Përgjigjusigurisht qe ligji eshte ceshtje intepretimi, por ne momentin qe i ben nje intepretim per te njejten procedure me dy ceshtje te ndryshme (pra lirimin ose jo me 25 vite apo me 35 vite) nuk mund te marresh dy vendime te ndryshme. Per me teper i njejti gjyqtar. Pastaj rezulton dhe precedenti, qe eshte serish pjese e ligjit. Nese me pare ke gjykuar te perdoresh ligjin e ri, edhe ne te ardhmen ate do te perdoresh nese nuk do kete kundershtim nga nje organ me i lart.
Ma va a china. Po na tregon klauzolat per kriminelet