POP 5

Lajmet më të lexuara të 5 minutave të fundit

Sociale

Drafti i ri, studentët në protestë 
për reformën në sistemin arsimo

Studentet e universiteteve publike kanë protestuar dje kundër draftit të reformës për Arsimin e Lartë. Një grup i madh studentësh, janë mbledhur në një protestë para Kryeministrisë, duke kërkuar që të pezullohet ky draft.
Drafti i ri, studentët në protestë <br />për reformën në sistemin arsimo
TIRANE- Studentet e universiteteve publike kanë protestuar dje kundër draftit të reformës për Arsimin e Lartë. Një grup i madh studentësh, janë mbledhur në një protestë para Kryeministrisë, duke kërkuar që të pezullohet ky draft. Me pankarta në duar dhe me thirrje kundër reformës së nisur që sipas tyre cënon autonominë e universiteteve, por edhe të drejtën e votës së studentëve, të rinjtë duke marshuar janë drejtuar  drejt godinës së kryeministrisë. Ata i kërkuar kryeministrit Edi Rama të marrë parasysh vetëm propozimet e studentëve dhe pedagogëve, pasi sipas tyre komisioni reformës nuk përfaqëson universitetet publike.
 
Protesta
Ministria e Arsimit prej më shumë se një muaji ka publikuar një raport se si duhet të ndryshojë ligji i arsimit të lartë në vend, por duket se ky draft paraprak ka sjellë pakënaqësitë e para, si tek stafet akademike, ashtu edhe tek studentët. Këta të fundit, janë edhe më agresivë ndaj ndryshimeve ndaj edhe kanë organizuar protestën e parë që këto ndryshime në ligj të mos miratohen. Me pankarta në duar si:  “Universiteti i Universitarëve dhe jo tregtarëve”, të rinjtë i kërkojnë kryeministrit të mos firmosë për ndryshimin e ligjit.

Ndonëse prej një muajsh, kanë nisur konsultimet nëpër universitete të këtij drafti, sipas studentëve ai duhet të shfuqizohet, pasi nuk përmbush interesat e universiteteve publike, por favorizon ato private.  “Studentët dhe pedagogët nuk janë pyetur për realizimin e këtij drafti”- kështu shprehen studentët që marrin pjesë në protestë. Drafti përshkohet nga një mendësi e cunguar, citojnë studentët. “E drejta e vendimmarrjes nuk i përket as kryeministrit dhe qeverisë, por vetëm drejtuesve të universitetit, pedagogëve dhe vetë studentëve.

Ky draft prek dhe taksat e shkollës, në të cilin përcaktohet se ato do të jenë më të larta, duke rënduar në buxhetin e çdonjërit nga ne. Drafti favorizon ndarjen e fondeve të universiteteve publike, mes atyre private”, theksojnë studentët protestues. Në kërkesat e tyre kryesore, protestuesit kanë kërkuar që reforma e ndërmarrë, të ndërpritet plotësisht dhe të merren në konsideratë rolet e pedagogëve dhe studentëve në sistemin arsimor.
 
Reforma
Ministria e Arsimit në fillim të këtij viti ngriti një komision të posaçëm i cili do të merrej me ndryshimet e ligjit të Arsimit të lartë. Ky komision në fund të muajit prill nxori edhe draftin e parë të ndryshimeve, i cili u prezantua në shumicën e universiteteve publike në vend. Por ky prezantim, ka sjellë edhe debatin më të madh pasi të gjithë drejtuesit dhe pedagogët kanë kundërshtuar disa pika ta draftit.

Ndërkohë që vetëm pak ditë më parë kryeministri Rama deklaroi se ky ligj nuk do të kalojë para verës në kuvend, por do t’i lihet më tepër kohë të diskutohet. Tashmë, pas diskutimeve të para, Komisioni i Arsimit të Lartë do të dalë me një tjetër draft ku do të reflektohen ndryshimet e kërkuara deri më tani nga stafi akademik. Por mesa duket as koha që ekzekutivi la në dispozicion, nuk i ka shmangur protestat e studentëve dhe kritikat e pedagogëve ndaj draftit të ri të arsimit të lartë.

Shkrimi u botua në Shqiptarja.com (print) në 3 qershor 2014

Redaksia Online
(d.a/shqiptarja.com)  
 

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

29 Nëntor, 22:51