Drafti në Kuvend/ Pas BKH, Shqipëria me detektivë privatë! Report Tv zbardh projektligjin

TIRANË- Në një kohë kur Byroja Kombëtare e Hetimit është në fazën finale të krijimit duke përzgjedhur kandidatë e saj, në parlament deputetët kërkojnë krijimin e një Byroje private hetimi me anë të një projektligji për dedektivët privatë.

Ky draft i siguruar nga Report Tv është depozituar në parlament dhe është në fazën e shyqrtimit për të marrë voten e ligjvënësve. Drafti mban firmën e deputetit nga listat e opozitës parlamentare Selami Jenisheri i cili njëherazi është kreu i partis së bashkimit popullor të pensionistëve shqitparë.

Por çfarë parashikon ky propozim dhe hetimet që do të kryejnë dedektivët privatë.

Në draft thuhet se "Shërbim i "Detektivit Privat" ofrohet nga subjekti privat i licensuar i cili: heton dhe jep informacion në lidhje me karakterin ose veprimet e një personi, ose natyrën e biznesit ose profesionit të një personi etj. Kontrollon shkelësit kundër ligjit ose personat e humbur ose pronën. Kryen blerje ose shërbime të tjera në rroba civile ose të thjeshta për një klient, me qëllimin e raportimit ndaj klientit për sjelljen, integritetin ose besueshmërinë e punonjësve të klientit ose personave të tjerë. Kryen shërbime në rroba civile ose të thjeshta për parandalimin osë zbulimin e vjedhjeve.

Sipas argumentimit të deputetit se përse nevojitet dedektivi privat ai e gjen problemin tek strukturat shtetërore aktuale të hetimit.

"Ndjehet një vakum, lidhur me shume raste të pazbardhura apo pushime të njëpasnjeshme të çështjeve për mungese provash. Pavarësisht, hetimet e kryera lënë për të dëshiruar. Kjo mungesë apo dobësi në hetim, në mbledhjen e provave dhe fakteve të ndryshme shpie gradualisht në hapësirën e shumëpërmendur të korrupsionit në keto mekanizma shtetërore. Për këtë arsye, organizimi dhe funksionimi i profesionit të detektivit privat konsiderohet një domosdoshmëri për realitetin Shqiptar dhe jo vetëm. Ka ardhur koha, që ky zinxhir hetimi të plotesohet me të gjitha hallkat e tij ligjore, në menyre që të mundësohet avancimi i sundimit të ligjit, eleminimi i korrupsionit dhe ndërgjegjësimi i qytetareve për të zbatuar ligjin, si dhe besimi tek ky i fundit të kthehet në një realitet të prekshem", thotë Jenisheri.

Aktualisht në vendin tonë, hetimet në rrugë private të cilitdo apo të paautorizuara nga prokuroria e gjykata, quhen shkelje e ligjit dhe ndërhyrje në jetën private dhe në  të dhënat personale dhe janë vepër penale e dënueshme.

Me këtë draft nëse merr votën e parlamentit, pritet që veç byrosë kombëtare të hetimit të kemi edhe byronë private të hetimit e cila do të përfaqësohet në terren me dedektiv privat.

Kjo është një praktikë e njohur në disa vënde të botës mësëshumti për zbulimin e tradhëtive bashkëshortore, por që një hetim të marrë vlerën e provës më parë duhet ta vendos gjykata.

 

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 19/11/2020 03:09

    Si ide nuk eshte e keqe,shume vende i kane prej kohesh dedektivet private,problemi eshte se mund te keqperdoret nga njerez e grupe te caktuara.Puna eshte, qe ku eshte pika kur keta dedektive private t'i thone jo c'faredo shume parash qe mund t'u ofrohet?E gjtha ka te beje me integritetin e tyre.Sepse ta zeme X do qe te vrase Y dhe per ta gjetur puneson nje nga keta.Pasojat do jene katastrofike nese nuk rregullohen me ligj,sepse keta dedektive mjafton te paguhen dhe nuk besoj ta vrasin mendjen per pasojat.

    Përgjigju
  • Arbëri: 18/11/2020 12:40

    Hajde hajde ky shtet do shkoi për lesh nëse lejohet kjo gjë...!!!

    Përgjigju
  • Biku: 18/11/2020 12:13

    Posi, ajde ti lem ne dore ca ish policave te korruptuar jeten tone private.Ajde ide ajde.Po tjeter?telekamer neper banjot e shtepive do vendosim.Kshu vdes liria, me hapa te vogla dhe pa u ndjere

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet