POP 5

Lajmet më të lexuara të 5 minutave të fundit

Arkiva

Durrës- Konkursi Kombëtar i Ndihmës së Parë të Kryqit të Kuq Shqipta

TIRANE, 26 Prill /ATSH/- Kryqi i Kuq Shqiptar prej vitesh është i angazhuar dhe luan rol të rëndësishëm në sensibilizimin dhe ndërgjegjësimin e komunitetit në drejtim të përhapjes së njohurive dhe teknikave të dhënies së ndihmës së parë në raste aksidentesh. Kësaj i shërben edhe organizimi i Konkursit Kombëtar të Ndihmës së Parë, i cili […]


TIRANE, 26 Prill /ATSH/- Kryqi i Kuq Shqiptar prej vitesh është i angazhuar dhe luan rol të rëndësishëm në sensibilizimin dhe ndërgjegjësimin e komunitetit në drejtim të përhapjes së njohurive dhe teknikave të dhënies së ndihmës së parë në raste aksidentesh.
Kësaj i shërben edhe organizimi i Konkursit Kombëtar të Ndihmës së Parë, i cili është gjithashtu një aktivitet tradicional.
Në një njoftim për shtyp Kryqi i Kuq Shqiptarë bën të ditur se, në takimin e II-te rajonal që u zhvillua 25-26 prill në Durrës, në Shëtitoren Taulantia, morën pjesë 11 ekipe nga rrethet Durrës, Tiranë, Kavajë, Elbasan, Librazhd, Peqin, Gramsh, Korçë, Pogradec, Devoll dhe Kolonjë. Organizimi i këtij aktiviteti-konkurrues realizohet sipas të njëjtës skemë që ndjek dhe Konkursi Europian i Ndihmës së Parë.
Në përfundim të konkurimit, vendin e parë e zuri Ekipi i Ndihmës së Parë KK Tiranë, e më pas ai i Librazhdit dhe Durrës. Ekipet fituese do të marrin pjesë në takimin final të këtij konkursi që do të zhvillohet në Tiranë më datë 8 maj-Ditën Botërore të Kryqit të Kuq dhe Gjysmëhënës së Kuqe
Ashtu siç dihet kjo dekadë është quajtur dekada e sigurisë rrugore dhe mbi këtë bazë, Programi i Ndihmës së Parë i KKSH-së, zgjeron hapësirën e punës duke menduar dhe punuar për edukimin e publikut në lidhje me domosdoshmërinë e njohjes dhe përhapjes së shprehive të dhënies së ndihmës së parë. Është e rëndësishme të kuptohet që ndihma e parë është themelore dhe vendimtare në momentet fillestare dhe ajo duhet të jepet vetëm nga persona kompetentë, që i njohin teknikat e dhënies së ndihmës së parë, citon njoftimi i Kryqit Kuq Shqiptar. e,xh/f.n/

  • Sondazhi i ditës:

    Marrëveshje në Ohër, po shkojnë Kosova e Serbia drejt pajtimit përfundimtar?

Lajme të tjera



×

Lajmi i fundit

Përballja e të penduarit të drejtësisë Luftar Reçi me grupin e Emiljano Shullazit do të bëhet me dyer të mbyllura! Avokatja: Jo më 'publicitet'

20 Mars, 10:19 nga Keti Banushi