Dy autobusë nga Durrësi nisen drejt Kosovës...qetësohet situata në kampin me çadra në Durrës

Rreth 50 persona janë nisur nga qyteti i Durrësit drejt Kosovës, e ndërsa pritet që 50 të tjerë të nisen më vonë.

Gazetari i report Tv, Ergys Kavaja raporton se janë nisur dy autobusë deri më tani, e ndërsa pritet që të tjerë të nisën në orët e më vonshme. Ato do të priten nga autoritetet vendase atje, ku do të strehohen në qendra rezidenciale. Në rast se numri i shqiptarëve që do të shkojnë në Kosovë do të jetë shumë i lartë, pritet që shqiptarët atje të hapin dyert për vëllezërit e tyre, ashtu siç këta të fundit kanë bërë 20 vite më parë, në vitin 1999.

 Nga ana tjetër, sa i përket gjendja në stadiumin "Niko Dovana" ku janë ngritur çadrat, situata është e qetë. Lodhja, frika, stabilizimi me batanije, ushqim, ujë ka bërë që situata të jetë më e qetë.

Lajmi kryesor:

Të frikësuar, mijëra banorët kalojnë natën në çadra! Dy autobusë nga Durrësi nisen drejt Kosovës (FOTO)

B.K./Shqiptarja.com

TAG:
• termet me viktima ne Shqiperi