Dy fustane të bardhë për t'u bërë engjëj...Burri i jep lamtumirën vajzës dhe mbesës duke i veshur nuse

Dy fustane të bardhë për t'u bërë engjëj...Burri i jep lamtumirën vajzës dhe mbesës duke i veshur nuse

Diena dhe Esila Meçaj

Diena dhe vajza e saj Esila, vetme 9 vjeç do të përcillen për në banesën e fundit me fustan të bardhë nusërie. Jetët e nënë e bijë që u këputën në mes nga tërmeti i fuqishëm që preku Shqipërinë të martën, prekën këdo duke bërë që heshtja të ishte më domethënëse se fjalët. Të dyja, në krahët e njëra-tjetrës u nxorën nga rrënojat të pajeta në një pallat të shembur 6 katësh pranë Kryqit të Kuq në lagjen 18 në Durrës. Familjarët e tyre kanë zgjedhur t'i përcjellin për në banesën e fundit veshur me bardhësi, ndryshe nga çishte fati i tyre në tragjedinë e 29 nëntorit. Është Amarda Doska e cila thotë se familjarët kanë shkuar me një kërkesë rrëqethëse në dyqanin e saj me fustane nusërie: Dy fustane nusesh për dy vajza që do i thonë lamtumirë të gjithëve në ditën e varrimit të tyre.

"Shumë herë kam derdhur lot gëzimi dhe mallëngjimi kur kemi përcjellë vajza me fustane nusërie. Kurrë nuk ma merrte mendja që mund të derdhja lot dhimbjeje si sot për të bukurat Diena dhe Esiela. Nuk mund ta imagjinoj dot si mund të ndihet babai i Dienës, i cili humbi vajzën, mbesën dhe akoma pret që të nxirret trupi i të shoqes nga rrënojat. Fustanet e bardha sot ato nuk i veshin për t'u bërë nuse por për t'u bërë engjëj që do na shohin nga atje lart dhe kjo ma thyen zemrën. Zot jepu forcë të përballojnë dhimbjen e madhe që fati ua dhuroi!", shkruan Amarda Toska në rrjetet sociale.

Nën rrënoja mbeti edhe nëna e Dienës, Roza Memçaj.


Lajmi kryesor:

HISTORITË rrëqethëse të personave të vdekur nën rrënoja që na bënë të gjithëve të përlotemi (VIDEO)


G.M./Shqiptarja.com
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Si Lulzim Basha u dënua nga gjykata për shpifje për rastin e Olsi Ramës

Si Lulzim Basha u dënua nga gjykata për shpifje për rastin e Olsi Ramës