Dy zyrtarë të Thaçit lobojnë në SHBA
kundër tribunalit të BE ndaj “UÇK”

KOSOVE - Kryeministri i Kosovës, Hashim Thaçi, ka nisur për në Washington këshilltarin e tij Bekim Çollaku dhe Ministren e Integrimeve, Vlora Çitaku, për të kërkuar mbështetjen e administratës amerikane kundër themelimit të një tribunali europian për Ushtrinë Çlirimtare të Kosovës.
 
Lajmi bëhet i ditur nga mediat kosovare, sipas të cilave, i gjithë lobimi po bëhet në mënyrë konfidenciale. Ndërsa për këtë kryeministri Thaçi nuk është konsultuar as me njerëzit brenda Qeverisë së Kosovës, shkruan sot Tribuna.
 
Një konsultim megjithatë thuhet ta ketë pasur në takimet që kreu i Qeverisë ka pasur me liderin e LDK-së Isa Mustafa, dhe atë të AAK-së Ramush Haradinaj.


Redaksia online
(e.c/shqiptarja.com)

TAG:
• lobimi