Dyfishohen kapacitetet për koronarografinë te Sanatoriumi, së shpejti hapet shërbimi i ri i Kardiokirurgjisë

“Ulet listë-pritja për kryerjen e koronarografive për pacientët me probleme kardiake, me dyfishimin e kapacitetit të kryerjes së procedurave të hemodinamikës në spitalin Universitar “Shefqet Ndroqi”. Deklarata u bë nga Ministrja e Shëndetësisë dhe Mbrojtjes Sociale, Ogerta Manastirliu, gjatë inspektimit të punimeve për vendosjen e sistemit qendror të ngrohje-ftohjes në këtë spital.

“Me hapjen e Njësisë së Hemodinamikës në spitalin rajonal të Fierit dhe 3 njësitë e tjera të Hemodinamikës në Tiranë dhe në Shkodër, kemi arritur që nga 700 procedura të hemodinamikës që kryheshin 3 vite më parë në QSUT, të mundësojmë mbi 6 mijë ndërhyrje në vit, duke i kursyer qytetarëve shqiptarë rreth 5 milion euro, që më parë i shpenzonin në spitalet private për të marrë këtë shërbim”, tha Manastirliu.

Aktualisht spitali “Shefqet Ndroqi” kryen rreth 1300 koronarografi në vit për pacientët me probleme kardiake dhe brenda vitit, me zgjerimin e ekipit mjekësor, ku shërbimi tashmë ofrohet nga 3 mjekë hemodinamistë, pritet të kryhen rreth 2 mijë koronarografi në vit. Ministrja Manastirlio lajmëroi në spitalin Universitar “Shefqet Ndroqi” hapjen së shpejti të shërbimit të ri të Kardiokirurgjisë.

“’Shefqet Ndroqi’ nuk është më vetëm një spital i sëmundjeve të mushkërive, pasi interventet e urgjencave kirurgjikale janë dyfishuar në këtë spital vetëm gjatë 8 muajve të fundit, por ne synojmë që përveç zgjerimit të shërbimit të hemodinamikës, së shpejti të hapim në këtë spital shërbimin e ri të Kardiokirurgjisë”, tha Manastirliu.

Që prej fillimit të ofrimit të shërbimit të hemodinamikës në vitin 2015, janë 24 mijë qytetarë kanë përfituar paketat e hemodinamikës falas, paketa që ofrohen me financim publik, si në spitalet publike, ashtu edhe ato jopublike.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Pacienti: 04/04/2019 13:49

    Me mjek te afte dhe te perkushtuar si kardiologu dr.Agron Meshi, edhe investimet ne sherbim te popullit jane me se te garantuara!! Bravo Rilindja!!!

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Himara 2 ‘kryetarë’ në burg, vendi vakant pas dorëheqjes së Jorgo Goros! Këshilli Bashkiak komandon sot kryebashkiakun e ri

Himara 2 ‘kryetarë’ në burg, vendi vakant pas dorëheqjes së Jorgo Goros! Këshilli Bashkiak komandon sot kryebashkiakun e ri