POP 5

Lajmet më të lexuara të 5 minutave të fundit

Kultura

‘E bija e hënës dhe e diellit’, besa dhe trimëria e shqiptarit! Nga përrallat e Mitrush Kutelit në Teatrin e Kukullave

U mbajt këtë fundjavë në Teatrin e Kukullave pranë Liceut shfaqja “E bija e hënës dhe e diellit”, bazuar në Përrallat e Moçme të Kutelit. Kostumet, besa, trimëria dhe vlerat e shqiptarit u përcollën si mesazhe te vogëlushët përmes regjisë së Klajd Ymerit

Nga Përrallat e Moçme Shqiptare në Teatrin e Kukullave, “E bija e Hënës dhe e Diellit” merr jetë nga Klajd Ymeri pranë sallës “Tonin Harapi” të Liceut Artistik.

Me këtë vënie skenike, që vogëlushët ndoqën këtë fundjavë, tentohet që në krye të herës të rizgjohet kërshëria e tyre ndaj këtyre ‘perlave’ të Mitrush Kutelit, që rritën brezs.

Personazhet veshin kostumet tipike shqiptare, ndërsa skenografia dhe efektet plotësojnë rrëfimin për trimërinë e vlerat e shqiptarit, që di të sakrifikojë për dashurinë.

Trimi, djali i vetëm vendos të plotësojë kërkesën e “Të bukurës” e të shkojë në malin e Kuçedrës, prej nga askush nuk ka dalë i gjallë.

I kapur në kurth nga kuçedra me shtatë kokë, që bëhet gati për ta ngrënë, trimi ka një kërkesë të fundit.

Besa e shqiptarit nuk mund të thyhet, por si do të mund të shpëtojnë protagonistët veten edhe malin nga mallkimi i kuçedrës, mbetet të zbulohet nga vogëlushët.

M.Q./S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Formula 1/ Verstappen nderon titullin kampion, fiton në garën e Katarit! Ferrari lë pas McLaren

Formula 1/ Verstappen nderon titullin kampion, fiton në garën e Katarit! Ferrari lë pas McLaren

1 Dhjetor, 22:55