Sot gjithçka është mbyllur në të gjithë vendin. Kjo do të jetë fundjava e fundit ku nuk do të ketë asnjë lëvizje dhe asgjë hapur, teksa të gjithë qytetarët do të qëndrojnë 40 orë brenda. Karantina e gjatë nisi dje në orën 13:00 për të vijuar sot dhe deri të hënën në mëngjes në 05:00. Ndërkohë që nga e hëna, fasha orare do të zgjatet deri 17:30, autorizimet për leje-dalje për pazar do të jenë 90 minuta. Po ashtu farmacitë, marketet dhe bankat do të qëndrojnë të hapura deri në orën 17:30.
Kryeministri Edi Rama bëri me dije, po ashtu se në javën e ardhshme, gjithmonë nëse kurba do të ketë këtë trend rënie, do të shihet mundësia për të zgjeruar edhe lëvizjen me makina private të kompanive që lejohen të qëndrojnë të hapura. Masa lehtësuese, do të shoqërohen me ndëshkime më të ashpra, për të cilat qeveria ka paralajmëruar ndryshime të kodit penal dhe rrugor.
Gjithashtu java që vjen pritet që të jetë e mbushur me zhvillime, pasi do të prezantohet paketa e zgjeruar financiare, ku do të përfshihen edhe bizneset e vogla që nuk janë mbyllur, por kanë pasur dëme ekonomike si pasojë e kësaj situate (agjenci turistike, rrobaqepësi e mobilieri të vogla, hidraulikë, elektricistë, fizioterapi, kancelari, servise makinash e lavazhe të licencuar), do të përfshihet gjithashtu biznesi i madh, sektori turistik dhe fasoneritë.
Fundi i majit, është parashikimi i bërë nga Task Forca, ku jeta mund t'i kthehet në vija të përgjithshme jetës normale, ku parashikohet të hapet pjesa më e madhe e bizneseve, por me rregulla të mirëpërcaktuar. Për do të hartohet edhe një rregullore me standardet bazë për këtë biznese që do të hapen në javët e mëtejshme.
Si shumë qytete në Shqipëri edhe në Elbasan situata paraqitet e njëjtë, lëvizjet janë me pikatore. Në rrugë nuk mund të shquash asnjë qytetar, ndërsa të vetmit që lëvizin janë autoritet si policia, ushtria, policia bashkiake apo ambulancat.
Dita e diel me diell nuk ka tunduar qytetarët durrsakë të dalin shëtitje në qytet apo buzë detit, por kanë preferuar që rrezet t’i shijojnë nga ballkoni i tyre i shtëpisë. Kjo tregon një nivel të lartë ndërgjegjësimi qytetarë, se me shëndetin nuk bëhet shaka duke marrë seriozisht zbatimin e masave të vendosura nga qeveria.
Në pamjet e sjella nga Report TV, qyteti i Durrësit është i heshtur me rrugë të boshatisura dhe e njëjta pamje vihet re edhe në autostradën Tiarën-Durrës, ku nuk duket asnjë lloj qarkulli mjeti apo këmbësori. Mjetet janë të parkuara dhe çdo dyqan qëndron i mbyllur.
Qytetarët e Sarandës harrojnë karantinën, duke përfituar nga temperaturat e larta dhe shkojnë në plazh, për të kaluar këtë të dielë. Duke përfituar nga temperaturat e larta një pjesë e tyre kanë zgjedhur plazhin për t'u çlodhur dhe për të kaluar disa orë. Dhe pse qyteti i Sarandës nuk ka regjistruar asnjë të prekur, kjo nuk është justifikim për të mos respektuar rregullat e kërkuara.
Dje që prej orës 13.00 të ditës së shtunë ku u mbyll qarkullimi dhe lëvizja e qytetarëve si shkak i masave të marra për parandalimin e covid-19, në Sarandë, realiteti është ndryshe. Ka madje dhe disa prej tyre të cilët kanë guxuar duke provuar dhe notin e parë për këtë vit në ujërat e detit Jon. Thyerja e rregullave tregon se ka ende njerëz të cilët janë indiferentë jo vetëm për veten e tyre por dhe për komunitetin në tërësi.
Një ditë e bukur me diell, por që fierakët duhet ta shijojnë nga ballkonet, pasi të gjithë qytetarët janë në karantinë. Report Tv sjell pamjet me dron nga Fieri, ku në rrugë qarkullon vetëm ambulanca dhe disa mjete.
Report Tv sjell pamjet nga Lushnja ku qyteti është në qetësi, pasi të gjithë janë brenda duke respektuar karantinën.
Komente
Lajme të tjera
-
Ylli Pata: Ajo që nuk u pa nga takimi i Edi Ramës në Londër!
25 Nëntor, 18:28
-
Nis puna për ndërtimin e Parkut Urban në Spitallë të Durrësit, Rama: Hapësirë rekreative, gjelbërim, pistë biçikletash dhe terrene sportive për fëmijë
25 Nëntor, 16:07 -
Trafikanti që mbështet Berishën: Nuk më lejuan të futesha në sallën ku Rama mbajti takimin! Isha i maskuar po më njohën
25 Nëntor, 13:01 -
Berisha nga ballkoni përdor vdekjen e 14-vjeçarit: Nesër nderojmë Martin Canin, të martën protestë në Tiranë! Rama dhunoi emigrantët në Londër
24 Nëntor, 20:29 -
Basha për takimin dhe antimitingun në Londër: Turp e faqja e zezë për Ramën dhe Berishën! Ata i duan shqiptarët mish për top, pazare dhe për pushtetin e tyre
24 Nëntor, 18:20 -
Takimi i Ramës në Londër/ Parashikimi i Spahiut për diasporën në Report TV: Maksimumi 6-7% e emigrantëve do votojnë në zgjedhjet e 2025!
24 Nëntor, 15:47 -
Turi me diasporën/ 'Diversantët' e Berishës 'të infiltruar' në takim! Rama: Opozita nxit akte antishqiptare në tokë të huaj! Po motivohen protesta kundër qeverisë
24 Nëntor, 13:55 -
Militantë të Berishës protestojnë kundër Ramës në Londër (VIDEO)
24 Nëntor, 12:59 -
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
Rama njofton takimin me Diasporën të dielën në Londër: Radha me shqiptarët e Britanisë së Madhe, në rrugën drejt Shqipërisë 2030!
22 Nëntor, 18:09 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Akademia Politike e PS-së, Rama: Më shumë të rinj që duan të angazhohen
22 Nëntor, 13:32
Tani eshte koha te riparohet autostrada dhe rruget ne qytetet shqiptare,,,njerezit jane ne shtepi...por qeveria jone ka hall sesi te vjedhe....
PërgjigjuAvash avash do vine dite me te bukura, do jemi shteti me i sukseshem i ballkanit. Mendimi pozitiv dhe shpresa jan 2 gjera qe e mbajn gjall njeriun.
PërgjigjuIshalla keshtu dhe urojme të vazhdoje nja 10 vjet keshtu të riperterihet Natyra! Zotat degjofshin ankesat e Nënës së Madhe Natyrë dhe shpëlaftë baj gën njeri
PërgjigjuDeputetet e listave kane qene dhe jane te neveritshem me pranine e tyre edhe pa situaten me Covid-19. Gjithsesi duke qene njeres,prinder,bashkeshorte populli i meshiron ne kete situate te rende qe po kalojme.
Përgjigju